សារព័ត៌មាន នគរវត្ត តែងតែនាំមុខគេជានិច្ច
ក្លិប Nottingham Forest បានបញ្ចប់ការចុះហត្ថលេខាលើខ្សែការពារសញ្ជាតិកូតឌីវ័រ Serge Aurier បន្ទាប់ពីការផុតកំណត់នៃកិច្ចសន្យារបស់គាត់នៅក្លិប Villarreal។ នេះបើយោងតាមក្លិបដែលបានផ្សព្វផ្សាយនៅ Premier League បានប្រកាសកាលពីថ្ងៃសុក្រ។ ខ្សែការពារស្តាំក្លាយរូបនេះជាកីឡាករទី២២របស់ Nottingham Forest នៅរដូវក្តៅនេះ។
ក្លិបបានប្រកាសនៅក្នុងសេចក្តីថ្លែងការណ៍មួយថា “Nottingham Forest មានសេចក្តីសោមនស្សរីករាយក្នុងការបញ្ជាក់ពីការចុះហត្ថលេខាលើប្រធានក្រុម Ivory Coast កីឡាករ Serge Aurier ក្រោមការយល់ព្រមពី Villarreal” ។
Aurier វ័យ២៩ឆ្នាំធ្លាប់លេងនៅ Premier League កំឡុងពេលលេង៤ឆ្នាំជាមួយ Tottenham Hotspur មុនពេលផ្លាស់ទៅ Villarreal ក្នុងខែតុលាឆ្នាំមុន។
គាត់បានបង្ហាញខ្លួន២៤ដងសម្រាប់ក្រុមអេស្ប៉ាញកាលពីរដូវកាលមុន រួមទាំង៥ដងក្នុងក្របខ័ណ្ឌ Champions League ខណៈដែលពួកគេឈានដល់វគ្គ៤ក្រុមចុងក្រោយនៃការប្រកួត។
គួរបញ្ជាក់ថា ក្រុម Nottingham Forest ដែលឈរនៅលេខរៀងទី១៩ក្នុងតារាងលីគដែលមាន៤ពិន្ទុពីការប្រកួតចំនួន៦នឹងធ្វើដំណើរទៅកាន់ Leeds United នៅថ្ងៃចន្ទដើមសប្តាហ៍ក្រោយ ៕
ដោយ៖ ភារៈ(រូបភាព ៖Reuters/CAN)
