សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល ៖ បុរសម្នាក់ កាន់ខ្សែនីឡុងដើរចូលក្នុងចម្ការស្វាយបាត់មួយសន្ទុះ ប្រជាពលរដ្ឋជិតខាងងឿងឆ្ងល់មិនឃើញត្រឡប់មកវិញ ក៏ចូលទៅមើល ស្រាប់តែឃើញស្លាប់បាត់បង់ជីវិតដោយចង.កទៅនឹងដើមស្វាយ បង្កការភ្ញាក់ផ្អើលឡើង នៅថ្ងៃទី០៦ ខែតុលា ឆ្នាំ២០២២ វេលាម៉ោង ០៦:៣០នាទីព្រឹក ចំណុចចម្ការស្វាយ ភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្ដាល ។
មន្ត្រីនគរបាលស្រុកល្វាឯមបានឲ្យដឹងថា ជនរងគ្រោះឈ្មោះ ចាន់ ណារ៉េត ភេទប្រុស អាយុ៣៣ ឆ្នាំ ជនជាតិខ្មែរ មុខរបរ មិនប្រាកដ មានទីលំនៅ ភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល។
វត្ថុតាងចាប់យក ៖
១-ស្បែកជើងចំនួន ០១គូរ
២-ខ្សែនីឡុង ចំនួន ០១ខ្សែ ប្រវែង២,៥០ម៉ែត្រ ។
ប្រភពដដែលបន្តថា តាមការបំភ្លឺរបស់ឈ្មោះ នៅ ភក្តី ជាប្រជាពលរដ្ឋរស់នៅជិតខាងផ្ទះជនរងគ្រោះ បានបំភ្លឺថា នៅវេលាម៉ោង០៦និង០០នាទី គាត់កំពុងអង្គុយលេងមុខផ្ទះ ក៏ស្រាប់តែឃើញឈ្មោះ ចាន់ ណារ៉េត(ជនរងគ្រោះ)ដើរកាត់មុខគាត់ចូលក្នុងចម្ការស្វាយ ដោយដៃមានកាន់ខ្សែនីឡុងទៅជាមួយ គាត់បានស្រែកប្រាប់ឈ្មោះចាន់ ណារ៉េត ថាពេលត្រឡប់មកវិញកាត់គល់ស្លឹកគ្រៃឲ្យផង ហើយឈ្មោះ ចាន់ ណារ៉េតក៏ដើរចូលទៅបាត់រយៈពេលប្រហែល ២០នាទី គាត់មិនឃើញចេញមកវិញគាត់ក៏ដើរចូលទៅមើល ស្រាប់តែឃើញឈ្មោះ ចាន់ ណារ៉េត បានចង.ក ជាប់នឹងមែកស្វាយ ស្លាប់បាត់ទៅហើយ គាត់ក៏ស្រែកហៅអ្នកជិតខាងឲ្យមកជួយមើល និងបានប្តឹងទៅសមត្ថកិច្ចប៉ុស្តិ៍នគរបាលរដ្ឋបាលអរិយក្សត្រ មកពិនិត្យ។
ការពិនិត្យសាកសព÷ នៅលេី.ក មានស្នាមទ្រុឌជាំ ព័ទ្ធទៅគុម្ពត្រចៀក ,ប្រដាប់ភេទមានទឹកកាម ,លើដងខ្លួនអវយវៈជនរងគ្រោះមិនមានស្លាកស្នាមអ្វីគួរឲ្យកត់សំគាល់ឡេីយ។
ការសន្និដ្ឋាន ជនរងគ្រោះស្លាប់ដោយសារចង.ក ។
ក្រោយពិនិត្យសាកសពរួច បានប្រគល់ជូនក្រុមគ្រួសារជនរងគ្រោះយកទៅធ្វើបុណ្យតាមប្រពៃណី ៕
ដោយ៖ ស្អាង ជ័យ
