សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ ៖ ក្បាលគ្រាប់ ៦០ម.ម ចំនួន២គ្រាប់និងគ្រាប់បែកដៃ១គ្រាប់ត្រូវបានបុរសម្នាក់ប្រទះឃើញក្នុងចម្ការដំឡូងមីវេលាម៉ោង៩និង៣០នាទីព្រឹក ថ្ងៃទី១០ខែតុលាឆ្នាំ២០២នៅចំណុចខាងជើងឈាងខាងកើតអាងគោកខ្វាវ មានចម្ងាយប្រហែលជា ៧០ ម៉ែត្រពីអាងស្ថិតនៅខាងលិចភូមិតាស្មន់ឃុំរលួស ស្រុកស្វាយចេក ។
បុរសដែលប្រទះឃើញមានឈ្មោះ កៅ សុកឿង ភេទប្រុស អាយុ៣៦ឆ្នាំ មានទីលំនៅភូមិប្រីយ៍ ឃុំទ្រាស ស្រុកស្វាយចេក ។
បុរសខាងលើបានរៀបរាប់ថា គាត់បានមកដកដំឡូមីនៅត្រង់ចំណុចខាងលើ បានប្រទះឃើញ គ្រាប់នៅសេសសល់ពីសង្គ្រាមចំនួន៣គ្រាប់ នៅក្នុងចម្ការរបស់ខ្លួន បានមករាយការណ៍ដល់មន្ត្រីនគរបាលប៉ុស្តិ៍ស្វាយចេកដែលប្រចាំការ នៅក្បែរនោះឲ្យទៅត្រួតពិនិត្យមើល។
ក្រោយពីកម្លាំងប៉ុស្តិ៍ត្រូតពិនិត្យរួចរាល់និងបានដាក់សញ្ញាគ្រោះថ្នាក់និងរាយការណ៍ជូនជំនាញកំចាត់មីនបន្ត។
សមត្ថកិច្ចមូលដ្ឋានប្រាប់ថា ការប្រទះឃើញនោះរួមមាន ៖ ក្បាលគ្រាប់ ៦០ម.ម ចំនួន២គ្រាប់ និង គ្រាប់បែកដៃចំនួន១ គ្រាប់ ។សមត្ថកិច្ចប្រចាំការបានបញ្ជាក់ថា សូមបងប្អូនមេត្តាប្រុងប្រយ័ត្ន ព្រោះគ្រាប់ដែលសេសសល់ក្នុងសម័យសង្គ្រាមនៅមាននៅឡើយ ក្នុងនោះបើពលរដ្ឋណាម្នាក់ប្រទះឃើញនៅគ្រាប់អ្វីមួយដាក់ជាសញ្ញាជូនដំណឹងដល់មន្ត្រីជម្នាញឲ្យចុះមកពិនិត្យដើម្បីបញ្ជៀសនៅគ្រោះថ្នាក់ដោយយថាហេតុដល់អាយុជីវិតបងប្អូន ៕
ដោយ ៖ វណ្ណា
