សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសបាក់ជេីងម្ខាងត្រូវបានរថយន្តកងសង្គ្រោះបន្ទាន់៧១១ កងពលតូចលេខ៧០ដឹកយកទៅមន្ទីរពេទ្យភ្លាមៗបន្ទាប់ពីរត់គេចពីគូទំនាស់ដេញវាយហេីយផ្លោះរបងចូលយានដ្ឋានជួសជុលរថយន្តមួយកន្លែងនៅចំណុចភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ កាលពីវេលាម៉ោង០៧និង៥៧នាទីព្រឹកថ្ងៃទី១៤ ខែតុលា ឆ្នាំ២០២២។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញជនរងគ្រោះរត់គេចពីក្មេងស្ទាវមួយក្រុមដេញវាយហេីយបានផ្លោះឡេីងរបងយានដ្ឋានមួយកន្លែងដែលមានកម្ពស់៣ម៉ែត្របណ្តាលឱ្យធ្លាក់ចុះមកបាក់ជេីងម្ខាងបន្ទាប់មកប្រជាពលរដ្ឋបានទាក់ទងទៅក្រុមរថយន្តសង្គ្រោះបន្ទាន់៧១១ កងពលតូចលេខ៧០ដឹកយកទៅមន្ទីរពេទ្យភ្លាមៗ។
បេីកតាមប្រភពព័ត៌មានមួយទៀតបានឱ្យដឹងថា កាលពីយប់ក្រុមជនរងគ្រោះបានដេញវាយក្រុមទាំងនោះម្តងរួចមកហេីយលុះព្រឹកឡេីងគូទំនាស់នាំគ្នាមកដេញវាយសងសឹកវិញទេីបធ្វេីឱ្យភ័យរត់ផ្លោះរបងធ្លាក់បាក់ជេីងតែម្តង ៕
ដោយ៖សុខាសែនជ័យ
