សារព័ត៌មាន នគរវត្ត តែងតែនាំមុខគេជានិច្ច
ប្រទេសជប៉ុន ៖ ស្ថានឯកអគ្គរាជទូតនៃព្រះរាជាណាចក្រកម្ពុជាប្រចាំប្រទេសជប៉ុន មានសេចក្តីរីករាយសូមជម្រាបជូនប្អូនៗនិស្សិតថា មូលនិធិអាហារូបករណ៍អន្តរជាតិម៉ាប៊ូឈិ (Mabuchi International Scholarship Foundation) សម្រេចផ្តល់អាហារូបករណ៍សម្រាប់និស្សិតកម្ពុជាដែលចេះភាសាជប៉ុន សម្រាប់ឆ្នាំសិក្សា២០២៣។ សូមអានព័ត៌មានបន្ថែមដូចខាងក្រោម ៖
ស្ថានឯកអគ្គរាជទូតនៃព្រះរាជាណាចក្រកម្ពុជាប្រចាំប្រទេសជប៉ុន មានសេចក្តីរីករាយសូមជម្រាបជូនប្អូនៗនិស្សិតថា មូលនិធិអាហារូបករណ៍អន្តរជាតិម៉ាប៊ូឈី (Mabuichi International Scholarship Fouridzation) សម្រេចផ្តល់អាហារូបករណ៍សម្រាប់និស្សិតកម្ពុជាដែលចេះភាសាជប៉ុន សម្រាប់ឆ្នាំសិក្សា ២០២៣ ដោយផ្អែកលើលក្ខខណ្ឌដូចខាងក្រោម ៖
១. លក្ខខណ្ឌជ្រើសរើស៖
– កំពុងរៀន ឬនឹងចូលរៀនថ្នាក់បរិញ្ញាបត្រ។
-ជានិស្សិតដែលត្រូវចំណាយលើការសិក្សា និងការរស់នៅដោយខ្លួនឯង ។
-ត្រូវការធនធានដើម្បីបន្តការសិក្សានៅមហាវិទ្យាល័យ និងប្រាក់ចំណូលប្រចាំគ្រួសារតិចជាង៥លាន យ៉េនក្នុង១ឆ្នាំ ។
– មានកម្រិតភាសាជប៉ុនល្អ និងមានពិន្ទុ GPA យ៉ាងតិច 2.5 ឬប្រហាក់ប្រហែល មិនកំពុងទទួលបានអាហារូបករណ៍ដទៃ ។
– មានសុខភាពល្អ ឧស្សាហ៍ព្យាយាម និងទទួលអនុសាសន៍ពីសាលាភាសាជប៉ុន ឬសកលវិទ្យាល័យ។
– ត្រូវគោរពតាមលក្ខខណ្ឌនានារបស់មូលនិធិ (សូមអានពត៌មានបន្ថែមក្នុងតំណរភ្ជាប់)។
២. អត្ថប្រយោជន៍៖
– ប្រាក់អាហារូបករណ៍ប្រចាំខែចំនួន ១០ម៉ឺនយ៉េន (ខែមេសា ឆ្នាំ២០២៣ ដល់ខែមីនា ឆ្នាំ២០២៤)។
– ប្រាក់បង់ថ្លៃចូលរៀន ៣០ម៉ឺនយ៉េន (សម្រាប់និស្សិតចូលរៀនឆ្នាំទី១) ។
ប្អូនៗសិស្សនិស្សិតដែលមានចំណាប់អារម្មណ៍ដាក់ពាក្យ ត្រូវទាញយកឯកសារតាមតំណរភ្ជាប់នេះ៖ khley.com/MABUCHI2023ឬស្តេន QR Code ខាងក្រោម រួចផ្ញើឯកសារច្បាប់ដើមមកស្ថានទូត ឲ្យបានមុនថ្ងៃទី២១ ខែមករា ឆ្នាំ២០២៣ ៕
ដោយ ៖ សិលា
