ព័ត៌មានទាន់ហេតុការណ៍៖

ស្គាល់គ្នាតាមរយៈហ្វេសប៊ុក រួចណាត់គ្នាជួបក្នុងបន្ទប់ជួលហើយ​រួម​ភេទ​បានសម្រេចចំនួន ៣លើក​ ចុងក្រោយ​ខាងប្រុស​ជាប់ខ្នោះ

ចែករំលែក៖

  ខេត្ត​កោះកុង ៖ កម្លាំង​នគរបាលស្រុកស្រែអំបិល បានឃាត់ខ្លួនជនសង្ស័យម្នាក់ ពីបទរួមភេទជាមួយអនីតិជន​ក្រោមអាយុ ១៥ ឆ្នាំរហូតបានសម្រេចសរុបចំនួន ៣លើក​ ដោយ​យោង​តាម​ពាក្យ​បណ្ដឹង​របស់​អាណាព្យាបាល​ក្មេង​ស្រី​។ នេះបេីយោង​តាមប្រភពព័ត៌មានពី​របាយការណ៍​របស់​អគ្គស្នងការ​នគរបាល​ជាតិ​ នៅថ្ងៃព្រហស្បតិ៍​ទី​២០​ ខែតុលា​ ឆ្នាំ​២០២២។ 

របាយការណ៍​ដដែល​បន្តថា​ ករណី​ឃាត់ខ្លួន​ជនសង្ស័យ​ខាងលេីនេះ​ បានធ្វេីឡេីង​កាលពីថ្ងៃទី១៩ ខែតុលាម្សិលមិញនេះ​ នៅចំណុចបន្ទប់ជួលស្ថិតក្នុង ភូមិត្រពាំង ឃុំស្រែអំបិល ស្រុកស្រែអំបិល ។ 

ជនសង្ស័យឈ្មោះ វ. ស.អ ភេទ ប្រុស អាយុ​ ១៦ ឆ្នាំជនជាតិខ្មែរមុខរបរសិស្សមានទីលំនៅបច្ចុប្បន្នភូមិវាលត្បូង ឃុំស្រែអំបិល បានធ្វើសកម្មភាពរួមភេទជាមួយឈ្មោះ ឡ. ស.ប ភេទស្រី អាយុ ១៣ ឆ្នាំជនជាតិខ្មែរ មុខរបរសិស្ស​ មានទីលំនៅបច្ចុប្បន្ន ភូមិត្រពាំងរំចេក សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ រហូតបានសម្រេចចំនួន ៣ លើកកាលពីថ្ងៃមិនចាំក្នុងខែ កញ្ញា ឆ្នាំ២០២២.មួយលើកនិងព្រឹកថ្ងៃទី១៩ ខែតុលា​ ឆ្នាំ​២០​២២​នៅវេលាម៉ោង ៥ព្រឹកចំនួន ២លើកទៀត។

សូមជម្រាបជូនថា​ ខណៈពេលដែលអ្នកទាំងពីរបានស្គាល់គ្នាតាមរយៈ ហ្វេសប៊ុក ហើយបានណាត់គ្នាជួបក្នុងបន្ទប់ជួលរួចធ្វើ សកម្មភាពរួមភេទនេះតែម្ដង។ ជនសង្ស័យត្រូវបានឃាត់ខ្លួននៅអធិការដ្ឋាននគរបាលស្រុកស្រែអំបិលតាមបណ្តឹងអាណាព្យាបាលជនរងគ្រោះ។

បច្ចុប្បន្ន កម្លាំងជំនាញកំពុងធ្វើការសាកសួរយកចម្លើយ និងកសាងសំណុំរឿង តាមនីតិវិធី​ច្បាប់៕

ដោយ​៖សហការី​


ចែករំលែក៖