សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសជាជនបរទេសម្នាក់រួមដំណើរជាមួយនឹងបុរសម្នាក់ទៀតបានបើករថយន្តយ៉ាងលឿនមិនប្រយ័ត្នជ្រុលទៅបុកចូលផ្ទះប្រជាពលរដ្ឋទាំងកណ្តាលយប់បណ្តាលឱ្យរងរបួសធ្ងន់២នាក់និងរងការខូចខាតទ្វារកញ្ចក់ និងសម្ភារមួយចំនួននៅក្នុងផ្ទះ។
ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោងជាង១២រំលងអធ្រាត្រឈានចូលថ្ងៃទី២៥ ខែតុលា ឆ្នាំ២០២២ ស្ថិតនៅតាមបណ្តោយផ្លូវបេតុង ក្នុងសង្កាត់កន្ទោក ខណ្ឌកំបូល រាជធានីភ្នំពេញ។
ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តម៉ាកតូយ៉ូតាហាយឡេនឌ័រ ពណ៌ទឹកប្រាក់ ពាក់ស្លាកលេខភ្នំពេញ 2AJ-0562 បើកបរដោយបុរសជាជនបរទេសម្នាក់ រួមដំណើរជាមួយនឹងបុរសម្នាក់ទៀតធ្វើដំណើរតាមបណ្តោយផ្លូវបេតុងក្នុងទិសដៅពីជើងទៅត្បូងដោយល្បឿនយ៉ាងលឿន ខណៈមកដល់ចំណុចកើតហេតុដែលជាផ្លូវកោងមិនប្រយ័ត្នបួងចង្កូតមិនទាន់ក៏ជ្រុលទៅបុកទម្លុះទ្វារកញ្ចក់ផ្ទះគេបណ្តាលឱ្យអ្នកបើកបរនិងអ្នករួមដំណើររងរបួសធ្ងន់ទាំង២នាក់ត្រូវបានដឹកយកទៅសង្រ្គោះភ្លាមៗ។
បន្ទាប់ពីកើតហេតុសមត្ថកិច្ចមូលដ្ឋាន សហការជាមួយសមត្ថកិច្ចជំនាញចរាចរណ៍ចុះមកវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នានៅពេលក្រោយ៕
ដោយ៖ជ្រោយពេជ្រ
