សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ ៖ លោកឧត្តមសេនីយ៍ទោ ឈាង ផាន់ណារ៉ា ស្នងការដ្ឋាននគរបាលខេត្ត បាន “អញ្ជើញជួបសំណេះសំណាលសួរសុខទុក្ខកងកម្លាំងនគរបាលជាតិ ដែលកំពុងសិក្សាវគ្គបំប៉នជំនាញលំហាត់របៀបរយៈពេល០១ខែ នៅស្នងការដ្ឋាននគរបាលខេត្តតាកែវ”។នេះបើយោងតាមផេកផ្លូវការ របស់ស្នងការដ្ឋានបានបង្ហោះនៅថ្ងៃនេះ។
សូមបញ្ជាក់ថា, នៅព្រឹកថ្ងៃពុធ ៩ កើត ខែកត្តិក ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី០២ ខែវិច្ឆិកា ឆ្នាំ២០២២ លោកឧត្តមសេនីយ៍ទោ ឈាង ផាន់ណារ៉ា ស្នងការ នៃស្នងការដ្ឋាននគរបាលខេត្តតាកែវ “អញ្ជើញជួបសំណេះសំណាលសួរសុខទុក្ខកងកម្លាំងនគរបាលជាតិ ដែលកំពុងសិក្សាវគ្គបំប៉នជំនាញលំហាត់របៀបរយៈពេល០១ខែ នៅស្នងការដ្ឋាននគរបាលខេត្តតាកែវ”។
មានមតិណែនាំក្នុងឱកាសនោះ លោកឧត្តមសេនីយ៍ទោ ស្នងការ បានពង្រឹងលើវិន័យលេខ០០៦ របស់កងកម្លាំងនគរបាលជាតិ ខិតខំប្រឹងប្រែងសិក្សារៀនសូត្រ និងក្រេីនរំលឹកត្រៀមកម្លាំងប្រចាំការ២៤ម៉ោងលើ២៤ម៉ោង ចេញល្បាតចល័តក្នុងមូលដ្ឋាន ភូមិសាស្រ្តងាយរងគ្រោះ ដូចជាទីផ្សារ និងទីប្រជុំជននានា ដើម្បីបង្ការទប់ស្កាត់បទល្មើសផ្សេងៗ និងអនុវត្តតាមបទបញ្ជាថ្នាក់លើដាក់ជូន។ ទន្ទឹមនឹងនោះដែរ លោកឧត្តមសេនីយ៍ទោ ស្នងការ បានណែនាំបន្ថែមទៀតលេីការស្លៀកពាក់ឯកសណ្ឋាន ការគោរពថ្នាក់ដឹកនាំ ឲ្យសាកសមជាកងកម្លាំងនគរបាលជាតិ ៕
ដោយ : សិលា
