សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នេះបេីយោងតាមរបាយការណ៍របស់មន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ បានឱ្យដឹងថា នៅថ្ងៃទី៩ ខែវិច្ឆិកា ឆ្នាំ២០២២នេះ កម្លាំងសមត្ថកិច្ចជំនាញ បានចុះបង្ក្រាបករណីជួញដូរ រក្សាទុក ដឹកជញ្ជូន ដាំដុះ ផលិតកែច្នៃ ចាត់ចែង ផ្ដល់ទីតាំង និងប្រើប្រាស់ ចំនួន ៩ករណី ឃាត់ខ្លួនជនសង្ស័យចំនួន ២០នាក់។
ជាក់ស្ដែងក្នុងប្រតិបត្តិការនោះសមត្ថកិច្ចបានដកហូតវត្ថុតាងសរុបរួមមាន៖ មេតំហ្វេតាមីនម៉ាទឹកកក(Ice) ស្មេីនិង ១៣,៤០ក្រាម និង៤៤កញ្ចប់តូច, មេតំហ្វេតាមីន(IWy) ស្មេីនិង ០,៦៣ក្រាម, កញ្ឆា ស្មេីនិង ២១៩៤ដើម។
គួររម្លឹកផងដែរថា កាលពីម្សិលមិញនេះ កម្លាំងសមត្ថកិច្ចជំនាញ ក៏ជនសង្ស័យចំនួន ១២នាក់ ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ៨ករណី ទូទាំងប្រទេសកម្ពុជា។ ក្នុងចំណោមជនសង្ស័យចំនួន ១២នាក់ រួមមាន៖ ជួញដូរ ៨ករណី ឃាត់មនុស្ស ១២នាក់ (ស្រី ១នាក់) ។
ជាមួយគ្នានោះ មន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ បានអំពាវនាវឱ្យបងប្អូនប្រជាពលរដ្ឋជៀសឱ្យឆ្ងាយពីគ្រឿងញៀន ព្រោះគ្រឿងញៀនបំផ្លាញអនាគតអ្នក និងក្រុមគ្រួសារអ្នក !៕ ដោយ៖ស តារា
រូបភាព៖ ឯកសារ
