សារព័ត៌មាន នគរវត្ត តែងតែនាំមុខគេជានិច្ច
ក្រុមបិសាចក្រហម Manchester United បានដណ្តើមបានជ័យជម្នះយ៉ាងអស្ចារ្យនៅនាទីទី៩០+៣ តាមរយៈកីឡាករបម្រុង Alejandro Garnacho ខណៈដែលក្រុមនេះបានផ្តួលក្រុម Fulham ក្នុងការប្រកួតចុងក្រោយនៃក្របខ័ណ្ឌ Premier League ដ៏គួរឱ្យរំភើបមុនពេលការប្រកួតបាល់ទាត់ពិភពលោកនៅកាតាក្នុងលទ្ធផល២ទល់១។
នៅក្នុងតង់ទី២ដ៏រំភើបនៅឯកីឡដ្ឋាន Craven Cottage ក្រុម Fulham ហាក់ដូចជារកបានមួយពិន្ទុ មុនពេលកីឡាករអាហ្សង់ទីនវ័យ១៨ឆ្នាំGarnacho បានរកបាន១គ្រាប់ចុងម៉ោង ។
ការប្រកួតក្នុងតង់ទី១ ខ្សែបម្រើ Christian Eriksen បានស៊ុតមួយគ្រាប់ឲ្យក្រុមភ្ញៀវនាំមុខមុនជាមួយនឹងគ្រាប់បាល់ដំបូងរបស់គាត់នៅ United ដោយការបញ្ជូនបាល់ពី Bruno Fernandes ។
ក្នុងតង់ទី២ កីឡាករ Dan James របស់ Fulham បានចេញពីកៅអីបម្រុង ដើម្បីរកគ្រាប់បាល់តាមស្មើពីការបញ្ជូនបាល់ទាបរបស់ Tom Cairney ដើម្បីផ្តល់ឱ្យក្រុមម្ចាស់ផ្ទះនូវអ្វីដែលមើលទៅដូចជាសមនឹងទទួលបានពិន្ទុបន្ទាប់ពី David de Gea បានធ្វើការសង្គ្រោះយ៉ាងល្អ ប៉ុន្តែការរកបាន១គ្រាប់ចុងក្រោយរបស់ Garnacho បានធ្វើឱ្យ United ទទួលបាន៣ពិន្ទុ។
ជ័យជម្នះនេះធ្វើឱ្យ Man Utd ឈរនៅលេខរៀងទី៥ មាន២៦ពិន្ទុចាញ់ក្រុមកំពូលតារាង Arsenal ចំនួន១១ពិន្ទុ និងតាមពីក្រោយក្រុមលេខ៤Tottenham ចំនួន៣ពិន្ទុ ខណៈមួយប្រកួតក្នុងដៃលើក្រុមរបស់លោក Antonio Conte ។
Fulham ត្រូវបានដំឡើងឋានៈ ឬកាត់ចេញពីក្របខ័ណ្ឌ Premier League ក្នុងរដូវកាលនីមួយៗនៃ៥រដូវកាលមុន ប៉ុន្តែត្រូវបានឡើងមកក្របខ័ណ្ឌកំពូលនេះវិញ ខណៈដែលពួកគេឈរនៅលេខ៩ដោយបានផ្គូផ្គងការឈ្នះចំនួន៥កាលពីឆ្នាំ២០២០-២០២១ ។
Premier League ឥឡូវនេះត្រូវសម្រាករយៈពេល៦សប្តាហ៍ ដោយសារការប្រកួតបាល់ទាត់ពិភពលោកនៅកាតា ដែលចាប់ផ្តើមនៅថ្ងៃទី២០ខែវិច្ឆិកា ដោយមិនមានការប្រកួតក្នុងស្រុករហូតដល់ថ្ងៃទី២៦ ខែធ្នូខាងមុខ ៕
ដោយ៖ ភារៈ(រូបភាព ៖ BBC Sport)
