សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅព្រឹកថ្ងៃទី១នេះ មានបេក្ខជនចំនួន ០៦នាក់ មកពីខេត្តឧត្តរមានជ័យ,បាត់ដំបង,កំពង់ស្ពឺ, ត្បូងឃ្មុំ និងមណ្ឌលគិរី ដែលមានបញ្ហាសុខភាពនៅក្នុងដំណើរសំណេរការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៥ ធ្នូ ២០២២។
នៅមណ្ឌលវិទ្យាល័យសម្តេចតេជោហ៊ុន សែន សួង ថ្ងៃ ទី០៥ ខែធ្នូ ឆ្នាំ២០២២ វេលាម៉ោង ៩៖៣៥នាទីព្រឹក បេក្ខជនឈ្មោះ អ៊ាន ស្រីពៅ ភេទ ស្រី បន្ទប់លេខ ២៦ លេខតុ ៦៣៤ មានអាការៈវិលមុខ និងឆ្អល់ពោះ ដោយ សារមិនបានញាំបាយព្រឹក ដូចនេះបានមកសម្រាកញាំបាយ និងញាំថ្នាំ។ បច្ចុប្បន្នបានត្រឡប់ទៅបន្ទប់ប្រឡងធម្មតាវិញ។
សិស្សដែលមកប្រឡងមានសុខភាពមិនស្រួល វិលមុខ ប្រធានមណ្ឌលផ្តល់កន្លែងឲ្យគាត់សម្រាក រួចចូលបន្ទប់ប្រឡងបន្ត។ វេលាម៉ោង ៩និង៥៣នាទីព្រឹកបេក្ខជន ឈ្មោះ ម៉ាប លីម៉េង បន្ទប់លេខ៧ លេខតុ១៦០ មានអការ:មិនស្រួលខ្លាំងត្រូវបញ្ជូនទៅមន្ទីរពេទ្យខេត្តកំពង់ស្ពឺ។
ខេត្តកំពង់ស្ពឺនៅមណ្ឌលបឋមសិសក្សាចំបក់ វេលាម៉ោង ៨និង៤៥នាទីព្រឹក បេក្ខជនដែលមកប្រលងមានសភាពថប់ដង្ហេីម ប្រធានមណ្ឌលបានអនុញ្ញាតឱ្យគាត់ប្រឡងនៅខាងក្រៅ។
ក្នុងនោះបេក្ខជនមួយចំនួន បានបន្តការប្រឡងឡើងវិញក្រោមការយកចិត្តទុកដាក់មើលថែពីក្រុមគ្រូពេទ្យ បន្ទាប់ពីមានអាការៈធូរស្រាល និងបេក្ខជនផ្សេងទៀតត្រូវបានបញ្ជូនទៅមន្ទីរពេទ្យ។ ក្រសួងអប់រំ យុវជន និងកីឡា ជំរុញលើកចិត្តឱ្យបេក្ខជនប្រឡងទាំងអស់ត្រូវថែរក្សាសុខភាពឱ្យបានល្អ សម្រាក និងបរិភោគអាហារឱ្យបានគ្រប់គ្រាន់ប្រកបដោយអនាម័យ ដើម្បីទទួលបានលទ្ធផលល្អប្រសើរក្នុងការប្រឡង៕
ដោយ៖ សូរិយា
