🔥ប្រជាពលរដ្ឋរិះគន់ក្រុមហ៊ុនរាសី របស់ឧកញ៉ា ធីរិទ្ធីសីករណីក្រុមឈ្មួញជនជាតិវៀតណាមបានយកសាឡង់មកបូមខ្សាច់លក់ បង្កឲ្យបាក់ដីកសិកម្ម និងដីលំនៅដ្ឋាននៅស្រុករមាសហែក

ចែករំលែក៖

ខេត្តស្វាយរៀង៖ លោក ស៊ូ ម៉ុល អភិបាលស្រុករមាសហែកបានឱ្យដឹងនៅព្រឹកថ្ងៃទី៩ខែធ្នូឆ្នាំ២០២២ពាក់ព័ន្ធករណីខាងលើនេះ លោកនឹងចាត់កម្លាំងចុះពិនិត្យទីតាំងវៀតណាមបូមខ្សាច់នេះ មើលអាជ្ញាប័ណ្ណ និងណែនាំឲ្យក្រុមហ៊ុនអនុវត្តតាមច្បាប់អនុញ្ញាត ប្រសិនបើ មិនអនុវត្តតាមទេ លោកនឹងសុំឲ្យក្រសួងរ៉ែនិងថាមពលដកហូតអាជ្ញាប័ណ្ណបញ្ឈប់សកម្មភាពតែម្តង។

គួររំលឹកថា ប្រជាពលរដ្ឋជាច្រើនគ្រួសាររស់នៅក្នុងឃុំចំនួន៤ ស្ថិតក្នុងស្រុករមាសហែក មានការត្អូញត្អែរ ដោយសារមានក្រុមឈ្មួញជនជាតិវៀតណាមបានយកសាឡង់មកបូមខ្សាច់លក់ បង្កឲ្យបាក់ដីកសិកម្ម និងដីលលំនៅដ្ឋានរបស់ពួកគាត់ ដែលរស់នៅតាមបណ្តោយទន្លេទឹកវិលស្ថិត ក្នុងឃុំកំពង់ត្រាច ស្រុករមាសហែក ។

លោក កែវ សៀត អនុភូមិតាខុប ឃុំកំពង់ត្រាច តំណាងឲ្យប្រជាពលរដ្ឋរងគ្រោះឃុំកំពង់តាចបានឲ្យដឹងថា ករណីជនជាតិវៀតណាមបានយកសាឡង់មកចូលបូមខ្សាច់នេះ កើតឡើងរយៈពេល១ឆ្នាំហើយនិងបង្កឲ្យបាក់ដីរបស់ប្រជាពលរដ្ឋ៦ខែមកហើយ គិតមកដល់ត្រឹមថ្ងៃទី៧ធ្នូ ២០២២ នេះ ។

លោកអនុភូមិបន្តទៀតថា ការបូមខ្សាច់នេះ បង្កឲ្យបាក់ច្រាំងទន្លេធ្វើឲ្យប៉ះពាល់ដីប្រជាពលរដ្ឋជាច្រើនភូមិ ដែលរស់នៅតាមបណ្តោយទន្លេទាំងសងខាងទន្លេ ចាប់ពីគល់ស្ពានទឹកវិលរហូតដល់ព្រំដែនទឹកបាត់ត្រាស់ឃុំដូង មានចំនួន០៤ឃុំ គឺឃុំកំពង់ត្រាច ឃុំអំពឹល ឃុំគគីរ និងឃុំដូង ។ ហើយប៉ះពាល់ខ្លាំងមាន០៣ភូមិ គឺភូមិតាខុប ឃុំកំពង់ត្រាច- ភូមិត្បែង ឃុំអំពឹល និងភូមិត្រពាំងស្គន់ ឃុំគគីរ ។

បើតាមតំណាងប្រជាពលរដ្ឋបានលើកឡើងនៅក្នុងវេទិកាសាធារណៈនៅសាលាស្រុករមាសហែកដែលរៀបចំដោយក្រុមប្រឹក្សាខេត្តបានឲ្យដឹងថា ជនជាតិវៀតណាមយកសាឡង់ចូលមកបូមខ្សាច់នេះ ចាប់តាំងពីឆ្នាំ២០០៩មក ក៏ប៉ុន្តែបានធ្វើឲ្យបាក់ច្រាំងទន្លេប៉ះពាល់ដល់ដីកសិកម្មរបស់ប្រជាពលរដ្ឋខ្លាំងគឺនៅឆ្នាំ២០២២នេះ ដោយលើកឡើងថា ជនជាតិវៀតណាមមានសំណាងជាងប្រជាជនខ្មែរយើង ដោយគេដើរបូមខ្សាច់យកទៅលក់ក្នុងស្រុក និងដឹកតាមសាឡង់ឆ្លងដែនទៅប្រទេសវៀតណាមយ៉ាងរលូន នៅពេលដែលប្រជាពលរដ្ឋតវ៉ាគេប្រាប់ថា ក្រុមហ៊ុនគេមានអាជ្ញាប័ណ្ណ ។

បើតាមសមត្ថកិច្ចបានឲ្យដឹងថា មានឧកញ៉ា ធីរិទ្ធីសី បានបង្កើតក្រុមហ៊ុនមួយឈ្មោះ(ក្រុមហ៊ុនរាសី) បានទទួលសិទ្ធិពីក្រសួងរ៉ែ និងថាមពល បូមខ្សាច់ផ្គត់ផ្គង់លក់ក្នុងស្រុក ដោយអាជ្ញាប័ណ្ណអនុញ្ញាតឲ្យបូមយកខ្សាច់ពីកណ្តាលទន្លេទំហំ០៦ម៉ែត្រ ។

ចំពោះករណីនេះ នគរវត្តមិនអាចសុំការបំភ្លឺពីក្រុមហ៊ុនរាសី បានទេព្រោះមិនមានលេខទូរស័ព្ទទំនាក់ទំនង។

ចំណែកលោក ប៉ុក តក់ ប្រធានមន្ទីររ៉ែ និងថាមពលខេត្តស្វាយរៀងនគរវត្តបានទូរស័ព្ទចូលជាច្រើនដងប៉ុន្តែមិនមានអ្នកលើកទាល់តែសោះ ៕

ដោយ៖ សុថាន

ចែករំលែក៖

សារព័ត៌មាន នគរវត្ត តែងតែនាំមុខគេជានិច្ច

រឿងទាក់ទង

សកម្មភាពសម្តេចតេជោ ហ៊ុន សែន អញ្ជើញបំពេញទស្សនកិច្ចផ្លូវការ នៅរដ្ឋធានីហាវ៉ាណា សាធារណរដ្ឋគុយបា

សម្តេចតេជោ ហ៊ុន សែន អញ្ជើញជួបទីប្រឹក្សាពិសេសរបស់អគ្គលេខាធិការ អង្គការសហប្រជាជាតិ

សហរដ្ឋអាមេរិក និងកម្ពុជា នឹងប្រារព្ធខួបលើកទី៧០ នៃទំនាក់ទំនងផ្នែកការទូត

ទស្សនៈវិភាគ៖ «ឥរិយាបថថ្មីរបស់ប្រជាពលរដ្ឋ បង្ហាញពីគុណសម្បត្តិដ៏អស្ចារ្យរបស់មេដឹកនាំកម្ពុជា»

ទស្សនល្ងីល្ងើ÷៤រឿងសើចយំនិងកំហឹងល្បីក្នុងបណ្តាញសង្គមហ្វេសប៊ុកក្នុងសប្តាហ៍នេះ

លិខិតមិត្តអ្នកអាន៖ សូមគាំទ្រ យុទ្ធនាការដោះស្រាយបញ្ហាកកស្ទះសំណុំរឿងនៅតុលាការ

លិខិតមិត្តអ្នកអាន៖ «ខានចូលឆ្នាំម្តងប្រសើរជាងសាកល្បងឆ្លងកូវីដ-១៩!»

លិខិតមិត្តអ្នកអាន៖ មិនទាន់ហួសពេលការប្រារព្ធបុណ្យចូលឆ្នាំ

ស្លាប់កើនឡើង ជិត400នាក់ដោយសារទឹកជំនន់នៅមីយ៉ាន់ម៉ា

វាយប្រហារគ្នាយ៉ាងខ្លាំង រវាង អ៉ីស្រាអែលនិងហេសបូឡា

លោក Michel Barnier នាយករដ្ឋមន្ត្រីបារាំងបង្កើតគណៈរដ្ឋមន្ត្រីជាផ្លូវការ ហើយប្រកាសបញ្ជីឈ្មោះសមាសភាពគណៈរដ្ឋមន្ត្រី

ក្រុមប្រឹក្សាសន្តិសុខអង្គការសហប្រជាជាតិបើកកិច្ចប្រជុំបន្ទាន់ស្តីពីស្ថានភាពនៅក្នុងប្រទេសលីបង់

វីឡាទោលប្រណិត ១៥មុឺនដុល្លា ក្នុងតំបន់៦អា

វីឡាទោលប្រណិត ១៥មុឺនដុល្លារ ក្នុងតំបន់៦អា

ក្រុមហ៊ុនអាម៉ូរី ប្រកាសបើកសម្ពោធដំណើរការគម្រោងអាម៉ូរីសែនសុខ

ការចុះអនុស្សរណៈក្នុងការបើកលក់អគារខុនដូCEO Business Residence ក្នុងទីផ្សារកម្ពុជា

គម្រោងបុរី Chankiri Palm Creek ជាគំរូនៃការរចនាផ្ទះប្រកបដោយការ “គិតគូរពីតម្រូវការអ្នករស់នៅជាចម្បង”