សារព័ត៌មាន នគរវត្ត តែងតែនាំមុខគេជានិច្ច
សហព័ន្ធបាល់ទាត់ព័រទុយហ្គាល់ (FPF) បានបដិសេធថា ប្រធានក្រុមខ្សែប្រយុទ្ធ Cristiano Ronaldo គំរាមចាកចេញពី World Cup ដែលព័ត៌មានចុះផ្សាយនោះគឺមិនពិតនោះទេ។ ការចេញផ្សាយរបស់សារព័ត៌មានព័រទុយហ្គាល់បានឲ្យដឹងថា ខ្សែប្រយុទ្ធវ័យ៣៧ឆ្នាំបានធ្វើការគំរាមកំហែងបន្ទាប់ពីត្រូវបានគេប្រាប់ថា គាត់នឹងមិនចាប់ផ្តើមការប្រកួត១៦ចុងក្រោយរបស់ពួកគេជាមួយស្វ៊ីស។
នៅក្នុងការប្រកួតមុនជាមួយកូរ៉េខាងត្បូង ប្រធានក្រុមព័រទុយហ្គាល់បានប្រតិកម្ម ដោយខឹងសម្បារនៅពេលដែលគាត់ត្រូវបានប្តូរចេញនៅតង់ទី២។ FPF អះអាងថា “គ្មានពេលណាមួយដែល Cristiano Ronaldo គំរាមចាកចេញពីក្រុមជម្រើសជាតិអំឡុងពេលស្នាក់នៅប្រទេសកាតានោះទេ”។ Ronaldo ត្រូវបានប្តូរចេញក្រៅទីលានក្នុងការប្រកួតបើកឆាករបស់ព័រទុយហ្គាល់ ហើយគ្រូបង្វឹកលោក Fernando Santos បាននិយាយថាគាត់ “មិនចូលចិត្ត” ប្រតិកម្មរបស់ Ronaldo នៅពេលដែលគាត់ត្រូវបានជំនួសម្តងទៀតក្នុងអំឡុងពេលក្រុមចាញ់ ២-១ ដោយកូរ៉េខាងត្បូង។
ខ្សែប្រយុទ្ធវ័យក្មេង Goncalo Ramos បានចាប់ផ្តើមជំនួស Ronaldo ទល់នឹងក្រុមស្វ៊ីសក្នុងតង់ទី១ ហើយកីឡាករវ័យ២១ឆ្នាំរូបនេះបានស៊ុតបញ្ចូលទីបាន៣គ្រាប់ក្នុងជ័យជម្នះ ៦-១ ។
Ronaldo ដែលជាកីឡាករដែលស៊ុតបញ្ចូលទីច្រើនជាងគេបំផុតរបស់ព័រទុយហ្គាល់ (១៩៥គ្រាប់) និងជាអ្នកស៊ុតបញ្ចូលទីនាំមុខគេគ្រប់ពេល (១១៨គ្រាប់) ត្រូវបានដាក់នៅកៅអីបម្រុងក្នុងវគ្គ១៦ក្រុមចុងក្រោយពេលប៉ះស្វ៊ីស ខណៈដែលមិត្តរួមក្រុមរបស់គាត់បានអបអរនៃការឈ្នះនេះដោយរកបានរហូតដល់៦គ្រាប់។ ខ្សែប្រយុទ្ធរូបនេះបានចាកចេញពី Manchester United ដោយកិច្ចព្រមព្រៀងទៅវិញទៅមក មុនពេលការប្រកួតបើកឆាក World Cup របស់ប្រទេសព័រទុយហ្គាល់ បន្ទាប់ពីកិច្ចសម្ភាសន៍ដ៏ចម្រូងចម្រាសមួយ ដែលម្ចាស់ពានរង្វាន់ Ballon d’Or ៥សម័យបានរិះគន់ក្លិប។
Ronaldo មិនបានហ្វឹកហាត់ជាមួយអ្នកជំនួសផ្សេងទៀតទេបន្ទាប់ពីការប្រកួតកាលពីថ្ងៃពុធ ជំនួសមកវិញការចូលរួមក្នុងការហាត់ប្រាណជាមួយនឹងកីឡាករដែលបានចាប់ផ្ដើមទល់នឹងស្វ៊ីសកន្លងទៅ។
បន្ទាប់ពីសេចក្តីថ្លែងការណ៍របស់ FPF ត្រូវបានចេញផ្សាយកាលពីថ្ងៃសុក្រ Ronaldo បានសរសេរនៅលើ Twitter ថា “ក្រុមមួយដែលជិតស្និទ្ធពេកត្រូវបានបំបែកដោយកងកម្លាំងខាងក្រៅ។ ប្រទេសមួយក្លាហានពេកក្នុងការអនុញ្ញាតឱ្យខ្លួនគេភ័យខ្លាចដោយសត្រូវណាមួយ។ក្រុមមួយនៅក្នុងន័យពិតនៃពាក្យតស៊ូដើម្បីក្តីសុបិនរហូតដល់ទីបញ្ចប់។ សូមជឿជាមួយពួកយើង”។
គួរបញ្ជាក់ថា ក្រុមជម្រើសជាតិព័រទុយហ្គាល់បានយកឈ្នះស្វ៊ីសក្នុងលទ្ធផល៦ទល់១ កាលពីប្រកួតវគ្គ១៦ក្រុមចុងក្រោយ។ ក្រុមនេះនឹងត្រូវប៉ះក្រុមម៉ារ៉ុកក្នុងវគ្គ១/៤ផ្តាច់ព្រ័ត្រនៅរាត្រីថ្ងៃសៅរ៍ ទី១០ ខែធ្នូនេះវេលាម៉ោង១០យប់ម៉ោងនៅកម្ពុជា ៕
ដោយ៖ ភារៈ(រូបភាព ៖ BBC Sport)
