សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គ្រឿងញៀនបំផ្លាញគ្រួសារ និងអនាគតអ្នក ! ជនសង្ស័យចំនួន៤២នាក់(ស្រី១នាក់) ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាទបទល្មើសគ្រឿងញៀនចំនួន១៥ករណីទូទាំងប្រទេស នៅថ្ងៃទី១២ ខែធ្នូនេះ ។
ជាក់ស្ដែងយោងតាមរបាយការណ៍របស់អគ្គស្នងការដ្ឋាននគរបាលជាតិ នៅល្ងាចថ្ងៃទី១២ ខែធ្នូ ឆ្នាំ២០២២នេះ បានបញ្ជាក់ថា ក្នុងចំណោមជនសង្ស័យទាំងចំនួន៤២នាក់ រួមមាន៖ ជួញដូរ ៨ករណី ឃាត់មនុស្ស ១៥នាក់(ស្រី ១នាក់) ,ដឹកជញ្ជូន រក្សាទុក ១ករណី ឃាត់មនុស្ស ១នាក់ និងប្រើប្រាស់ ០៦ករណី ឃាត់មនុស្ស ២៦នាក់ ។
ដោយឡែកវត្ថុតាងដែលចាប់យកសរុបក្នុងថ្ងៃទី១២ ខែធ្នូនេះ រួមមាន៖ មេតំហ្វេតាមីនម៉ាទឹកកក(Ice) ស្មេីនិង៥០,០២ក្រាម និង៧កញ្ចប់តូច ។
សូមជម្រាបជូនថា ក្នុងប្រតិបត្តិការចុះបង្ក្រាបខាងលេីនេះជាលទ្ធផលមានចំនួន ៩អង្គភាពបានចូលរួមបង្ក្រាបមានដូចខាងក្រោម៖
កម្លាំងនគរបាលរាជធានី-ខេត្ត-ក្រុង ៖ ៩អង្គភាព
១/មន្ទីរ -ប្រើប្រាស់ ១ករណី ឃាត់ខ្លួន២នាក់ ។
២/ កំពង់ចាម៖ -ជួញដូរ ២ករណី ឃាត់ ៦នាក់ ចាប់យកIce ៦,៦៧ ក្រាម ប្រើប្រាស់ ១ករណី ឃាត់ខ្លួន៥នាក់ ។
៣/ កំពង់ឆ្នាំ៖ ជួញដូរ ១ករណី ឃាត់ខ្លួន៣នាក់ ចាប់យក Ice ២កញ្ចប់តូច។
៤/ កំពង់ធំ៖ ជួញដូរ ១ករណី ឃាត់ខ្លួន១នាក់ ចាប់យក Ice ២កញ្ចប់តូច។
៥/ ក្រចេះ៖ ជួញដូរ ១ករណី ឃាត់ខ្លួន៣នាក់ ចាប់យក Ice ៣កញ្ចប់តូច។
៦/ រាជធានីភ្នំពេញ៖ -ជួញដូរ ៣ករណី ឃាត់ខ្លួន២នាក់ ស្រី១នាក់ ចាប់យក Ice ៤២,២៤ក្រាម -ប្រើប្រាស់ ២ករណី ឃាត់២នាក់។
៧/ សៀមរាប៖ -ប្រើប្រាស់ ១ករណី ឃាត់ ១៣នាក់ ។
៨/ តាកែវ៖ -ប្រើប្រាស់ ១ករណី ឃាត់ ៤នាក់ ។
៩/ ប៉ៃលិន៖ រក្សាទុក ១ករណី ឃាត់ ១នាក់ ចាប់យកIce ០,៩២ក្រាម ៕ ដោយ៖ស តារា
រូបភាព៖ ឯកសារ
