អ៊ុយក្រែន ៖ រោងចក្រថាមពលទាំងមូលត្រូវបានវាយប្រហារដោយមីស៊ីលរុស្ស៊ី

ចែករំលែក៖

រដ្ឋមន្ត្រីថាមពលអ៊ុយក្រែនបានបញ្ជាក់ថា រោងចក្រថាមពលដើម្បីកម្តៅពេលរដូវរងារបស់ប្រទេសទាំងអស់មិនអាចដំណើរការបានទេបន្ទាប់ពីការវាយឆ្មក់របស់រុស្ស៊ី ហើយទីក្រុងកៀវកំពុងព្យាយាមបង្កើនសមត្ថភាពរបស់រោងចក្រថាមពលនុយក្លេអ៊ែរ។
សារព័ត៌មាន Pravda Ukraine ថ្ងៃនេះ (ថ្ងៃទី១៣ ខែធ្នូ) បានដកស្រង់សម្តីរដ្ឋមន្ត្រីថាមពលអ៊ុយក្រែនលោក Herman Galushchenko ថា ស្ថានភាពថាមពលនៅក្នុងប្រទេសគឺពិបាកខ្លាំងណាស់ បន្ទាប់ពីរុស្ស៊ីបានបើកការវាយឆ្មក់ទ្រង់ទ្រាយធំម្តងហើយម្តងទៀតសំដៅលើការបំផ្លាញថាមពលនៅក្នុងទីក្រុងជាច្រើន។
លោក Galushchenko បាននិយាយថា “រោងចក្រថាមពលកម្តៅទាំងអស់ត្រូវបានវាយប្រហារដោយមីស៊ីលរុស្ស៊ី បណ្តាលឱ្យដាច់ចរន្តអគ្គិសនីនៅលើខ្សែតង់ស្យុងខ្ពស់ចំនួន៤៤ខ្សែ” ។ លោកបន្ថែមថា អាជ្ញាធរអ៊ុយក្រែនកំពុងព្យាយាមបង្កើនសមត្ថភាពផលិតថាមពលពីរោងចក្រថាមពលនុយក្លេអ៊ែរដើម្បីទប់ស្កាត់ការខ្វះខាតថាមពល។
យោងតាមមន្ត្រីអ៊ុយក្រែនបានបញ្ជាក់ថា ទីក្រុង Kiev បានទទួលឧបករណ៍ថាមពលសំខាន់ៗជាច្រើនពីលោកខាងលិច ប៉ុន្តែវាមិនគ្រប់គ្រាន់នោះទេ។ លោក Galushchenko បានសង្កត់ធ្ងន់ថា “គោលដៅរបស់យើងគឺមិនត្រឹមតែស្តារឡើងវិញប៉ុណ្ណោះទេ ប៉ុន្តែថែមទាំងបង្កើតទុនបម្រុងសម្រាប់ការវាយឆ្មក់បន្ទាប់ទៀត”។
រុស្ស៊ីបានបើកការវាយប្រហារលើហេដ្ឋារចនាសម្ព័ន្ធថាមពលរបស់អ៊ុយក្រែនចាប់ពីថ្ងៃទី១០ ខែតុលាមក។ ប្រធានាធិបតីអ៊ុយក្រែនលោក Volodymyr Zelensky បាននិយាយកាលពីថ្ងៃទី១២ ខែធ្នូថា ៥0% នៃហេដ្ឋារចនាសម្ព័ន្ធថាមពលរបស់ប្រទេសត្រូវបានបំផ្លាញ នៅពេលដែលលោកបានទូរស័ព្ទជាមួយសមភាគីអាមេរិកលោក Joe Biden ៕ ដោយ៖ ធីរីណា