សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បេីករថយន្តfordបញ្ច្រាសទិសដៅចរាចរណ៍ជ្រុលបុករថយន្ជម៉ាកWULINGបណ្តាលឱ្យរងការខូចខាតយ៉ាងដំណំ។
ហេតុការណ៍គ្រោះថ្នាក់ចរាចរណ៍នោះបានកើតឡើងកាលពីវេលាម៉ោង១និង៤៥នាទីរំលងអធ្រា្រតឈានចូលថ្ងៃ១៨ខែធ្នូឆ្នាំ២០២២ ស្ថិតតាមបណ្តោយផ្លូវជាតិលេខ៤ត្រង់ចំណុចមុខសាលាសង្កាត់ចោមចៅទី៣ភូមិថ្នល់បំបែកសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
បើតាមប្រភពព័ត៌មាននៅលន្លែងកើតហេតុបានឱ្យដឹងថា នៅមុនពេលកើតហេតុគេបានឃើញរថយន្តម៉ាកWULINGពណ៌សរពាក់ស្លាកលេខភ្នំពេញ2AP-3991បើកដោយជនជាតិចិនធ្វើដំណើរតាមបណ្តោយផ្លូវជាតិលេខ៤ក្នុងទិសដៅពីលិចទៅកើតខណៈពេលមកដល់ចំណុចកើតហេតុខាងលើស្រាប់តែមានរថយន្តម៉ាកford ពណ៌ស ពាក់ស្លាកលេខភ្នំពេញ2BG-5979ធ្វើដំណើរតាមបណ្តោយផ្លូវបេតុងសាលារៀនសុវណ្ណភូមិក្នុងទិសដៅត្បូងទៅជើងបត់ចូលផ្លូវជាតិលេខ៤ក្នុងទិសដៅពីកើតទៅលិចបញ្ច្រាសចរាចរណ៍ជ្រុលទៅបុកគ្នាយ៉ាងពេញទំហឹងបណ្តាលឱ្យរងការខូចខាតរថយន្តទាំង២គ្រឿងយ៉ាងដំណំតែសំណាងល្អរងរបួសស្រាល២នាក់។
បន្ទាប់មកគេបានឃើញមានសមត្ថកិច្ចមូលដ្ឋានចុះទៅមកដល់កន្លែងកើតហេតុធ្វើការវាស់វែងរួចរាល់យករថយន្តទាំង២គ្រឿងទៅរក្សារទុកនៅជំនាញអធិការដ្ឋានខណ្ឌពោធិ៍សែនជ័យដើម្បីរង់ចាំធ្វើការដោះស្រាយគ្នា៕
ដោយ៖សុខាសែនជ័យ
