សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យម្នាក់បានជិះកង់មកប្លន់យកម៉ូតូពីនារីម្នាក់បានសម្រេច ហេីយជិះរត់គេចខ្លួនតែត្រូវជនរងគ្រោះស្រែកចោរៗផ្អេីលដល់ប្រជាពលរដ្ឋជួយដេញចាប់បាន និងស្វាគមន៍ម្នាក់មួយដៃមួយជើងឡើងទ្រមខ្លួនទេីបប្រគល់ឱ្យសមត្ថកិច្ច កាលពីវេលាម៉ោង១០ និង២០នាទីយប់ថ្ងៃចន្ទ ទី១៩ ខែធ្នូ ឆ្នាំ២០២២ ស្ថិតនៅតាមបណ្ដោយផ្លូវបេតុង (ផ្សារដីថ្មី) ក្នុងសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
តាមសម្ដីនារីរងគ្រោះបានឱ្យដឹងថា មុនពេលកើតហេតុរូបគាត់(ជនរងគ្រោះ)កំពុងអង្គុយលើម៉ូតូប៊ីត ពណ៌សលាយក្រហម ពាក់ផ្លាកលេខភ្នំពេញ1JL-3822 ពេលនោះស្រាប់តែលេចមុខជនសង្ស័យម្នាក់ជិះកង់មកឈប់ក្បែរម៉ូតូរបស់គាត់ រួចធ្វើសកម្មភាពច្រានរូបគាត់ជាជនរងគ្រោះធ្លាក់ពីលើម៉ូតូហើយជនសង្ស័យបានឡើងជិះម៉ូតូបើកគេចខ្លួនតាមបណ្ដាយផ្លូវវ៉េងស្រេង ភ្លាមៗនោះរូបគាត់បានស្រែកថាចោរៗភ្ញាក់ផ្អេីលប្រជាពលរដ្ឋជួយដេញពីក្រោយរហូតមកដល់ផ្លូវលេខ២១៧ចំណុចមុខការាសសំាងកាល់តិច ទើបចាប់ជនសង្ស័យបាន និងវាយម្នាក់មួយដៃមួយជេីងឡេីងទ្រមខ្លួនទេីបប្រគល់ឱ្យសមត្ថកិច្ច ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ និងបាននាំជនសង្ស័យ និងជនរងគ្រោះទៅកាន់ប៉ុស្ដិ៍នគរបាលរដ្ឋបាលស្ទឹងមានជ័យទី៣ ដេីម្បីសួរនាំនិងដាក់ពាក្យបណ្ដឹងទៅលេីជនសង្ស័យ កសាងសំណុំរឿងបញ្ជូនខ្លួនទៅសាលាដំបូងរាជធានីភ្នំពេញចាត់ការតាមច្បាប់៕
ដោយ ៖ ភារ៉ា ដង្កោ
