សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ សមត្ថកិច្ចនគរបាលស្រុកឯកភ្នំ បន្តចុះសហការបង្ក្រាបបទល្មើសនេសាទខុសច្បាប់ និងកាប់បំផ្លាញ ព្រមទាំងដុតកម្ទេចចោលឧបករណ៍នេសាទខុសច្បាប់ ប៉ុន្តែក្រុមជនល្មើសបានរត់គេចខ្លួនមុនពេលសមត្ថកិច្ចចុះអន្តរាគមន៍។ នេះបេីយោងតាមរបាយការណ៍របស់អគ្គស្នងការដ្ឋាននគរបាលជាតិ បានឱ្យដឹងនៅព្រលប់ថ្ងៃអាទិត្យទី២៥ ខែធ្នូ ឆ្នាំ២០២២។
ប្រភពដដែលបន្តថា ក្នុងប្រតិបត្តិការនោះដោយអនុវត្តតាមបទបញ្ជាដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកឧត្តមសេនីយ៍ត្រី ចេង ឡេង ស្នងការរងទទួលដឹកនាំការិយាល័យប្រឆាំងបទល្មើសសេដ្ឋកិច្ច នៅថ្ងៃទី២៤ ខែធ្នូម្សិលមិញនេះ លោកវរសេនីយ៍ឯក ឡុង យោធាវីរ: អធិការស្រុកឯកភ្នំ សហការជាមួយកម្លាំងសឹករងស្រុកឯកភ្នំ ឈរជើងទិសទន្លេសាប កម្លាំងសរុបចំនួន០៩នាក់ ចុះបង្ក្រាបបទល្មើសនេសាទខុសច្បាប់ ០១លើក នៅចំណុចដែនអភិរក្សនេសាទអតីត:ឡូតិ៍នេសាទលេខ០២ ស្ថិតនៅក្នុងឃុំកោះជីវាំង ស្រុកឯកភ្នំ ខេត្តបាត់ដំបង ។
សមត្ថកិច្ចបានប្រើប្រាស់សម្ភារៈក្នុងកិច្ចប្រតិបត្តិការរួមមាន ៖ កាណូតចំនួន ០៤គ្រឿង ។ ជាលទ្ធផលសមត្ថកិច្ចបង្ក្រាបបាន ៖ - សាច់មងប្រវែង ២៨៥០ម៉ែត្រ - ឡុកសម្រាប់ត្រីចំនួន ០៨គ្រឿង - បង្គោលចំនួន ២១៦ដើម - ប្រលែងត្រីចំរុះចំនួន ១២០គីឡូក្រាម ។
គួរបញ្ជាក់ថាចំពោះករណីនេះ រាល់វត្ថុតាងដែលបង្ក្រាបបាន កម្លាំងសមត្ថកិច្ចកាប់បំផ្លាញ និងដុតកម្ទេចចោលនៅនឹងកន្លែងផងដែរ៕
ដោយ៖សហការី
