សារព័ត៌មាន នគរវត្ត តែងតែនាំមុខគេជានិច្ច
លោក Graham Potter នៅតែរក្សាការគាំទ្រពីក្រុមប្រឹក្សាភិបាលរបស់ក្លិបតោខៀវ Chelsea បើទោះបីជាក្រុមចាញ់ Manchester City ៤ទល់០នៅ FA Cup កាលពីថ្ងៃអាទិត្យក៏ដោយ។ អតីតគ្រូបង្វឹក Brighton រូបនេះបានរងសម្ពាធបន្ទាប់ពីចាញ់៦ប្រកួតក្នុង៩ប្រកួតក្នុងការប្រកួតទាំងអស់ ដោយ Chelsea បានធ្លាក់ចេញពីពានក្នុងស្រុកទាំង២ ហើយធ្លាក់ទៅលេខ១០ក្នុង Premier League ។
អ្នកគាំទ្របានស្រែកឈ្មោះអតីតគ្រូបង្វឹកលោក Thomas Tuchel ដែលត្រូវបានបណ្តេញចេញកាលពីខែកញ្ញា អំឡុងការប្រកួតកាលពីថ្ងៃអាទិត្យប៉ុន្តែ Chelsea មើលឃើញថា លោក Potter ដែលបានជំនួសលោកTuchel ជាការតែងតាំងរយៈពេលវែង។ មានជំនឿថា គាត់អាចបង្វែរទម្រង់លេងរបស់ក្លិបដែលមិនត្រូវបានជួយដោយបញ្ជីកីឡាកររបួសយូរ។
ក្លិបចង់ទទួលយកវិធីសាស្រ្តផ្សេងពីអតីតម្ចាស់លោក Roman Abramovich ដែលល្បីល្បាញដោយសារមានចំណូលខ្ពស់ពីអ្នកគ្រប់គ្រងក្លិប។ ឈ្មោះរបស់ជនជាតិរុស្ស៊ីរូបនេះក៏ត្រូវបានឮដោយអ្នកគាំទ្រ Chelsea ស្រែកអំឡុងពេលចាញ់នៅ Manchester City ផងដែរ។
ក្រោយការប្រកួតលោក Potter បាននិយាយថា “យើងត្រូវតែបន្តធ្វើឱ្យប្រសើរឡើង ហើយនៅជាប់គ្នា ព្រោះច្បាស់ណាស់យើងកំពុងរងទុក្ខក្នុងនាមជាក្លិបបាល់ទាត់”។
បន្ទាប់ពីការកាន់កាប់ក្លិបដោយប្រធាន Todd Boehly និង Clearlake Capital ក្នុងខែឧសភា Chelsea បានចំណាយប្រាក់ច្រើនជាង២៥០លានផោនលើកីឡាករនៅរដូវក្តៅមុនពេលពួកគេបណ្តេញលោក Tuchel ។ ឥឡូវនេះពួកគេតាមពីក្រោយក្រុមលេខ៤ Manchester United រហូតដល់១០ពិន្ទុ។
ដោយបានចាញ់ Manchester City នៅដំណាក់កាលដំបូងក្នុងការប្រកួតពានរង្វាន់ក្នុងស្រុកទាំង២ ឥឡូវនេះ Chelsea ប្រឈមមុខនឹងការប្រកួតដ៏សំខាន់ក្នុងរយៈពេល៥សប្តាហ៍បន្ទាប់ ដើម្បីព្យាយាមកែលម្អលទ្ធផលមុនពេលពួកគេប្រកួតជាមួយក្រុម Borussia Dortmund ក្នុងវគ្គ១៦ក្រុមចុងក្រោយនៃក្របខ័ណ្ឌ Champions League ។
ពួកគេធ្វើដំណើរទៅកាន់ទីក្រុងឡុងភាគខាងលិច ដែលជាគូប្រជែងក្រុមFulham ដែលស្ថិតនៅពីលើពួកគេក្នុងតារាងនៅថ្ងៃព្រហស្បតិ៍ មុនពេលទទួលក្រុម Crystal Palace នៅថ្ងៃអាទិត្យនេះ។ បន្ទាប់មកជួប Liverpool នៅកីឡដ្ឋាន Anfield ក្នុង Premier League ហើយពួកគេធ្វើជាម្ចាស់ផ្ទះទទួលក្រុម Fulham និងប្រកួតជាមួយក្រុម West Ham ។
ក្រុមតោខៀវបច្ចុប្បន្នគ្មានកីឡាករ Reece James, Ben Chilwell, Wesley Fofana, N’Golo Kante, Raheem Sterling និង Christian Pulisic ក្នុងចំណោមកីឡាករផ្សេងទៀតដែលស្ថិតក្នុងបញ្ជីរបួស ៕
ដោយ៖ ភារៈ(រូបភាព ៖ BBC Sport)
