សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ បើតាមរបាយការណ៍របស់សមត្ថកិច្ចនគរបាលខេត្តបាត់បងបានឱ្យអង្គភាពយើងដឹងនៅព្រឹកថ្ងៃទី១២ខែមករាឆ្នាំ២០២៣នេះថាសមត្ថកិច្ចបានឆ្មក់បង្ក្រាបករណីលេងល្បែងស៊ីសងបាញ់អាប៉ោងខុសច្បាប់ជិត១០នាក់និងចាប់យកវត្ថុតាងមួយចំនួន។
លោកវរសេនីយ៍ឯក ឈឿង គឹម សុង នាយការរិយាល័យនគរបាលព្រហ្មទណ្ឌកម្រិតស្រាលបានប្រាប់ឱ្យដឹងទៀតថា៖ កម្លាំងនគរបាលខេត្តបាត់ដំបង កាលពីថ្ងៃទី ១០ ខែមករា ឆ្នាំ ២០២៣ នៅត្រង់ ទីតាំងភូមិច្រាបក្រសាំង សង្កាត់វត្តគរ ក្រុងបាត់ដំបង លោកបានដឹកនាំកម្លាំងក្រុមអន្តរាគមន៍ បង្ការ បង្ក្រាប សហការជាមួយតំណាងអយ្យការបានចុះបង្ក្រាបករណីល្បែងស៊ីសង បាញ់អាប៉ោងខុសច្បាប់១ ករណី ដោយក្នុងនោះបាននាំខ្លួនអ្នកលេងសរុបចំនួន០៨នាក់មកកាន់ស្នងការដ្ឋាន។
វត្ថុតាងដែលដកហូតបានរួមមាន៖ កម្រាលកៅស៊ូសម្រាប់ក្រាលមួយផ្ទាំង, គម្របផ្តិលជ័រ ចានទ្របាញ់អាប៉ោមួយ រួមទាំងសម្ភារផ្សេងៗមួយចំនួនទៀត និងកសាងសំណុំរឿងបញ្ជូនទៅតុលាការចាត់ការបន្តតាមនីតិវិធី៕
ដោយ៖ចន្ទ លីហ្សា
