សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ យោងតាមរបាយការណ៍ពីមន្ត្រីនគរបាលជំនាញកម្រិតស្រាលនៃស្នងការខេត្ត បានចុះឃាត់ខ្លួនជនសង្ស័យម្នាក់បានលួចកាបូបរបស់ស្ត្រីម្នាក់ ។
ដោយអនុវត្តតាមការណែនាំបញ្ជាផ្ទាល់ពី ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជា លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ លោក វរសេនីយ៍ទោ ភួង ច័ន្ទតារា ស្នងការរង ដឹកនាំកម្លំងការិយាល័យនគរបាលព្រហ្មទណ្ឌកម្រិតស្រាល នៅថ្ងៃទី១៣ ខែខមករា ឆ្នាំ ២០២៣ វេលាម៉ោង ២១ និង ០៥ នាទី នៅចំណុចភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង លោក វរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំង ក្រុមអន្តរាគមន៍បង្ការ-បង្ក្រាប ចុះប្រតិបត្តិការបង្ក្រាបករណី លួច ( យកកាបូប ) ០១ ករណី និងបានធ្វេីការនាំខ្លួនជនសង្ស័យចំនួន ០១ នាក់ ឈ្មោះ ហៀង សុបិន្ត ភេទប្រុស អាយុ ៣៧ ឆ្នាំ បច្ចុប្បន្នរស់នៅភូមិបាសែត ឃុំតាប៉ុន ស្រុកសង្កែ ខេត្តបាត់ដំបង មកកាន់ស្នងការដ្ឋាន ។
នគរបាលជំនាញបានបន្តថា÷វត្ថុតាងដកហូតបានរួមមាន ៖
- មួកសុវត្ថិភាពពណ៌ ស ០១
- កាបូបស្ពាយពណ៌ ខ្មៅ ០១
- លោហធាតុ ពណ៌មាស ( ខ្សែ ក និង បណ្តោង ) ០១
-លោហធាតុ ពណ៌ មាស (ចិញ្ចៀន)០១វង់
- លិខិតឆ្លងដែន ០១
- អត្តសញ្ញាណសញ្ជាតិខ្មែរ ០១
- ម៉ូតូម៉ាក ហុងដាឌ្រីម ពណ៌ខ្មៅ ស៊េរីឆ្នាំ២០២០ ពាក់ស្លាកលេខ បាត់ដំបង 1AK-6972 ចំនួន ០១គ្រឿង ។
មន្ត្រីនគរបាលជំនាញបានបន្តទៀតថា,ជនសង្ស័យខាងលើ នេះជាមុខសញ្ញា លួច(យកកាបូប) កាលពីថ្ងៃទី១១ ខែមករា ឆ្នាំ២០២៣ វេលាម៉ោងប្រហែល ១០ និង ៥២នាទី នៅចំណុចភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង របស់ជនរងគ្រោះឈ្មោះ លឹម សានិត ភេទស្រី អាយុ ៤០ឆ្នាំ រស់នៅភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង ។
បច្ចុប្បន្នការិយាល័យជំនាញ កំពុងធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ៕
ដោយ៖ ស សារ៉េត
