សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រសួងបរិស្ថាន នៅរសៀលថ្ងៃពុធទី១៨ ខែមករា ឆ្នាំ២០២៣នេះ បានឱ្យដឹងថា នេះគឺជាការប្រមូលផ្តុំ នៃហ្វូងអណ្តើកដ៏ធំបំផុត នៅលើភពផែនដី។
ក្រសួងបរិស្ថាន បានឱ្យដឹងទៀតថា យោងតាមប្រភពព័ត៌មានពី South China Morning Post បានចុះផ្សាយថា ក្រុមអ្នកអភិរក្ស បានចាប់យករូបភាព និងពេលវេលាដ៏មិនគួរឱ្យជឿ ខណៈដែលអណ្តើកទន្លេ នៅអាមេរិកខាងត្បូង រាប់ពាន់ក្បាលបានញាស់ចេញ។ រដូវដាក់សំបុក និងភ្ញាស់របស់សត្វអណ្តើក ប្រចាំឆ្នាំមានរយៈពេល ចាប់ពីខែធ្នូ ដល់ខែមករា។
សូមជម្រាបថា ហ្វូងអណ្តើកទាំងនេះ បានប្រមូលផ្តុំគ្នា នៅតាមព្រំដែននៃប្រទេសប្រេស៊ីល និងបូលីវី។ អណ្តើកទាំងនេះ ដើរតួយ៉ាងសំខាន់ក្នុងបរិស្ថាន។ ពួកគេជួយបំបែកពូជពង្ស និងរួមចំណែកជាខ្សែសង្វាក់អាហារ នៃប្រព័ន្ធអេកូឡូស៊ីទន្លេ៕
ដោយ៖សហការី
