ព័ត៌មានទាន់ហេតុការណ៍៖

ចេញពីផ្សារដេីមគជិះម៉ូតូទៅផ្ទះចោរឆក់យកកាបូបលុយអស់ជាង១០លានរៀលនៅមុខវត្តស្ទឹងមានជ័យ​

ចែករំលែក៖

ភ្នំពេញ​៖​ បុរសម្នាក់ជិះម៉ូតូបណ្តេីរគ្នាជាមួយប្រពន្ធចេញពីផ្សារដេីមគបំណងទៅផ្ទះ ស្រាប់តែមានជនសង្ស័យមួយក្រុមជិះម៉ូតូ៣គ្រឿងមកធ្វេីសកម្មភាពឆក់យកកាបូបស្ពាយពីគាត់បានសម្រេចរួចគេចខ្លួនបាត់ដោយសុវត្តិភាព​ បង្កការភ្ញាក់ផ្អេីលកាលពីវេលាម៉ោង១១យប់​ ថ្ងៃទី២៤​ ខែមករា​ ឆ្នាំ២០២៣​ នៅចំណុចមុខវត្តស្ទឹងមានជ័យ​ តាមបណ្តោយផ្លូវព្រះមុនីរ៉េត​ ស្ថិតក្នុងសង្កាត់ស្ទឹងមានជ័យទី១​  ខណ្ឌមានជ័យ។ 

    តាមសម្តីជនរងគ្រោះបានឱ្យដឹងថា​ មុនពលកេីតហេតុរូបគាត់បានចេញពីផ្សារដេីមគជិះម៉ូតូ២គ្រឿងពីរនាក់ប្តីដោយគាត់ជិះខាងមុខប្តីគាត់ជិះខាងក្រោយហេីយប្តីគាត់ស្ពាយកាបូបលុយពីចំហៀង​ ខណៈមកដល់ចំណុចកេីតហេតុស្រាប់តែមានជនសង្ស័យជិះម៉ូតូ៣គ្រឿងមិនចាំស្លាកលេខមកពីក្រោយធ្វេីសកម្មភាពឆក់យកកាបូបលុយពីប្តីរបស់គាត់បានសម្រេចរួចគេចខ្លួនបាត់អស់ទៅ។ 

    ជនរងគ្រោះបានបន្តថា​ ក្នុងកាបូបលុយរបស់គាត់មានលុយជាង១០លានរៀល​ និងទូរស័ព្ទម៉ាកI phone 13​មួយគ្រឿងរួមទាំងឯកសារមួយចំនួនទៀត។ 

    ក្រោយកេីតហេតុជនរងគ្រោះបានត្រឹមដាក់ពាក្យបណ្តឹងនៅប៉ុស្តិ៍នគរបាលទាំងអស់សង្ឃឹម។ 

     សូមបញ្ជាក់ផងដែរថា នៅទីតាំងខាងលេីតែងតែមានជនសង្ស័យធ្វេីសកម្មភាពឆក់យកទ្រព្យសម្បត្តិពលរដ្ឋជាញឹកញាប់តែសមត្ថកិច្ចចាប់មិនដែលបានសោះ។ ពលរដ្ឋដាក់សំនួរថា ចុះបេីចោរឆក់តំបន់នោះស្ទេីរតែរាល់ថ្ងៃហេតុអីសមត្ថកិច្ចមិនដាក់កម្លាំងល្បាតឱ្យច្រេីនចាប់ក្រុមចោរទាំងនោះ? ម៉េចក៏ទុកបណ្តោយឱ្យឆក់ទ្រព្យសម្បត្តិពលរដ្ឋស្ទេីររាល់ថ្ងៃបែបនេះ?៕ 

ដោយ៖សុខាសែនជ័យ


ចែករំលែក៖