សារព័ត៌មាន នគរវត្ត តែងតែនាំមុខគេជានិច្ច
ក្លិបតោខៀវ Chelsea បានចុះហត្ថលេខាលើខ្សែការពារស្តាំសញ្ជាតិបារាំងវ័យ១៩ឆ្នាំ Malo Gusto ពីក្លិបបារាំង Lyon ក្នុងតម្លៃ៣៥លានអឺរ៉ូ (៣០.៧លានផោន) ។
Gusto បានចុះកិច្ចសន្យាជាមួយក្រុមតោខៀវរហូតដល់រដូវក្តៅឆ្នាំ២០៣០ ប៉ុន្តែនឹងបញ្ចប់រដូវកាលបច្ចុប្បន្ននៅ Lyon រួចសិន។ ក្លិប Lyon បានអះអាងថា កិច្ចព្រមព្រៀងនេះរួមបញ្ចូលទាំង៥លានអឺរ៉ូ (៤.៤លានផោន) នៅក្នុងការបន្ថែម។
ក្លិបតោខៀវ Chelsea បានប្រកាសនៅក្នុងសេចក្តីថ្លែងការណ៍មួយថា “ឥឡូវនេះខ្សែការពារនឹងបន្តវឌ្ឍនភាពដ៏គួរឱ្យចាប់អារម្មណ៍របស់គាត់ក្នុងលក្ខខណ្ឌខ្ចីជើងនៅ Lyon មុនពេលចូលរួមជាមួយក្រុមតោខៀវនៅរដូវក្តៅមុនយុទ្ធនាការថ្មី” ។
ខ្សែការពារ Gusto បានឆ្លងកាត់ការលេងនៅក្លិបយុវជន Lyon មុនពេលបង្ហាញខ្លួនក្រុមដំបូងរបស់គាត់នៅក្នុងខែមករា ឆ្នាំ២០២១។ គាត់បានបង្ហាញខ្លួន១៥លើកនៅរដូវកាលនេះសម្រាប់ក្លិបបារាំងដែលជាលេខ៩ក្នុង Ligue 1 ។
Lyon បានប្រកាសថា ក្លិបសោកស្តាយដែលមិនអាចរក្សាក្តីសង្ឃឹមដ៏អស្ចារ្យមួយរបស់ខ្លួនបានហ្វឹកហាត់នៅក្លិបយុវជន ប៉ុន្តែថាក្លិបរីករាយហើយ Gusto នឹងនៅជាមួយពួកគេសម្រាប់នៅសល់នៃរដូវកាល២០២២–២០២៣។
Chelsea បានចុះហត្ថលេខាលើ Noni Madueke, Mykhailo Mudryk, David Datro Fofana, Andrey Santos និង Benoit Badiashile លើកិច្ចព្រមព្រៀងអចិន្ត្រៃយ៍ក្នុងខែមករា ហើយបាននាំយក Joao Felix ក្នុងលក្ខខណ្ឌខ្ចីជើងពី Atletico Madrid ផងដែរ។
ថ្លៃសេវាសម្រាប់កិច្ចព្រមព្រៀងទាំងអស់នោះមានចំនួនប្រហែល១៦០លានផោន ហើយអាចកើនឡើងអាស្រ័យលើកម្មវិធីបន្ថែមក្នុងការទិញដូរកីឡាកររដូវកាលនេះផងដែរ ៕
ដោយ៖ ភារៈ(រូបភាព ៖ BBC Sport)
