ស្ថានឯកអគ្គរាជទូតកម្ពុជា ប្រចាំសាធារណរដ្ឋឥណ្ឌា ៖ មានវិធានការ៣ សម្រាប់អ្នកធ្វើដំណើរចូលប្រទេសឥណ្ឌា

ភ្នំពេញ ៖ ស្ថានឯកអគ្គរាជទូតកម្ពុជាប្រចាំសាធារណរដ្ឋឥណ្ឌា បានចេញសេចក្តីជូនដំណឹងស្ដីពីវិធានការសម្រាប់អ្នកធ្វើដំណើរចូលប្រទេសឥណ្ឌា ដែលក្នុងនោះបានបញ្ជាក់ថា ស្ថានឯកអគ្គរាជទូតកម្ពុជា ប្រចាំសាធារណរដ្ឋឥណ្ឌា សូមជម្រាបជូនថា ក្រសួងសុខាភិបាល និងសុខុមាលភាពគ្រួសារឥណ្ឌា បានចេញលិខិតជូនដំណឹង អំពីស្ថានភាពជំងឺCOVID-19 និង លក្ខខណ្ឌសម្រាប់អ្នកធ្វើដំណើរបរទេសមកកាន់ប្រទេសឥណ្ឌា ដូចខាងក្រោម៖

១ -លុបចោលលក្ខខណ្ឌនៃការធ្វើតេស្ត COVID-19 មុនចេញដំណើរសម្រាប់អ្នកធ្វើដំណើរមកពីឬឆ្លងកាត់ប្រទេសចិន សិង្ហបុរី ហុងកុង សាធារណរដ្ឋកូរ៉េ ថៃ និងជប៉ុន។ 

២-បន្តអនុវត្តនៃការធ្វើតេស្តមិនឱ្យដឹងជាមុន (random testing) នៃអ្នកដំណើរ ២% (ដោយមិនគិតពីប្រទេសដើម) នៅអាកាសយានដ្ឋានដែលពួកគាត់មកដល់។

៣-សេចក្តីជូនដំណឹងនេះបានអនុវត្តចាប់ពីថ្ងៃទី១៣ ខែកុម្ភៈ ឆ្នាំ២០២៣ វេលាម៉ោង ១១:០០ ព្រឹកតទៅ ៕

ដោយ ៖ សិលា