សារព័ត៌មាន នគរវត្ត តែងតែនាំមុខគេជានិច្ច
អ្នកចាត់ការទូទៅលោក Mikel Arteta បាននិយាយថា ខ្សែប្រយុទ្ធរបស់ក្រុម Arsenal កីឡាករ Gabriel Jesus គ្រោងនឹងត្រលប់មកវិញក្នុងពេលឆាប់ៗនេះ បន្ទាប់ពីជាសះស្បើយពីការវះកាត់ជង្គង់ ប៉ុន្តែកីឡាករប្រេស៊ីលនឹងត្រូវតស៊ូដើម្បីជំនួសកន្លែងរបស់គាត់ ។
Jesus ដែលបានស៊ុតបញ្ចូលទី៥គ្រាប់ និង Assist ៥ដងក្នុងលីកបន្ទាប់ពីការផ្ទេររបស់គាត់ក្នុងតម្លៃ៤៥លានផោន (៥៤.០៧លានដុល្លារ) ត្រូវបានអវត្តមានចាប់តាំងពីគាត់បានរងរបួសជង្គង់នៅ World Cup ជាមួយប្រេស៊ីល ដោយត្រូវរងរបួសនៅដើមខែធ្នូ។
កីឡាករ Eddie Nketiah បានជំនួសតំបន់ប្រយុទ្ធរបស់ Arsenal ក្នុងអវត្តមានរបស់ Jesus ខណៈពេលដែល Gabriel Martinelli និង Bukayo Saka បានទទួលយកបន្ទុកក្នុងការស៊ុតបាល់បញ្ចូលទីដើម្បីដឹកនាំក្លឹបឱ្យដាច់៥ពិន្ទុក្នុងតារាង។ ប៉ុន្តែវាគឺជាការប្រកួតគ្រប់ជ្រុងជ្រោយរបស់ Jesus ដែលបានជួយជំរុញក្រុម Arsenal ឡើងទៅកាន់កំពូលនៃលីកនៅពាក់កណ្តាលរដូវកាលដំបូង ហើយលោក Arteta បានអះអាងថា ការវិលត្រឡប់របស់គាត់ទៅហ្វឹកហាត់គឺជាការជំរុញដ៏ធំមួយនៅពេលដែលការប្រជែងដណ្តើមពានជាមួយអតីតក្លិបរបស់គាត់គឺ Manchester City កំពុងតាមយ៉ាងប្រកៀក។
លោក Arteta បានប្រាប់អ្នកយកព័ត៌មានមុនការប្រកួតនៅផ្ទះថ្ងៃសៅរ៍ទល់នឹងក្រុម Bournemouth ថា “គាត់កំពុងធ្វើរឿងមួយចំនួនជាមួយក្រុម និងរឿងមួយចំនួននៅខាងក្រៅក្រុម។ គាត់មិនស្និទ្ធស្នាលខ្លាំងទេ ប៉ុន្តែគាត់នៅមិនឆ្ងាយប៉ុន្មានទេ គ្រូពេទ្យមានអារម្មណ៍ជឿជាក់លើរបៀបដែលគាត់កំពុងវិវត្ត។ វានិយាយត្រង់ៗ ដំបូងឡើយយើងមានការព្រួយបារម្ភ ហើយអរគុណដែលវាមិនអាក្រក់នោះទេ។ វាគឺជាការខកចិត្តដ៏ធំមួយសម្រាប់ក្រុម យើងដឹងពីសារៈសំខាន់របស់ Jesus របៀបដែលគាត់ផ្លាស់ប្តូរស្មារតី និងកម្រិតនៃការសម្តែងដែលយើងអាចឈានដល់” ។
នៅពេលសួរថា តើ Jesus នឹងត្រឡប់មកក្រុមជម្រើសដំបូងវិញឬអត់នៅពេលដែលគាត់មានកាយសម្បទាពេញលេញនោះ លោក Arteta បាននិយាយថា “ប្រហែលជាវាមិនយុត្តិធម៌សម្រាប់គាត់ទេ។ នៅពេលដែលគាត់នៅក្នុងក្រុម គាត់ពិតជាអស្ចារ្យណាស់ ប៉ុន្តែនៅពេលដែលគាត់ត្រលប់មកវិញ ដូចអ្នកផ្សេងទៀត គាត់នឹងត្រូវរកកន្លែងរបស់គាត់នៅក្នុងក្រុម”។
លោក Arteta ក៏បានបញ្ជាក់ផងដែរថា Arsenal កំពុងវាយតម្លៃ Nketiahបន្ទាប់ពីគាត់លេងបានត្រឹមតែ ១៨នាទីប៉ុណ្ណោះក្នុងការយកឈ្នះ ៤–០ ក្នុងផ្ទះលើក្រុម Everton កាលពីពាក់កណ្តាលសប្តាហ៍ ខណៈដែលមិនមានការព្រួយបារម្ភជាមួយខ្សែបម្រើ Jorginho ដែលត្រូវបានដកចេញនៅពាក់កណ្តាលម៉ោង ខណៈដែលគាត់កំពុងត្រលប់មកពីជំងឺ។
ក្រុម Bournemouth ស្ថិតក្នុងការប្រកួតកាត់ចោល ប៉ុន្តែទោះបីជាបានឈរនៅលេខរៀងទី១៩ក្នុងលីកក៏ដោយក៏លោក Arteta ថា គាត់មានការចាប់អារម្មណ៍ចំពោះការប្រកួតថ្មីៗនេះ។ លោកបានមើលការប្រកួតជាមួយ Brighton, Wolves, Newcastle និង Manchester City ហើយពិតជាចាប់អារម្មណ៍។ ក្រុម មិនបានទទួលខុសច្រើនទេ ហើយអាចមានលទ្ធផលខុសគ្នាក្នុងការប្រកួត២ក្នុងចំណោមការប្រកួតទាំង៤នោះ។
Bournemouth ចាញ់ Brighton ១–០, ស្មើNewcastle ១–១, ឈ្នះ Wolves ១–០ ក្រៅផ្ទះ និងចាញ់ក្រុម Man City ៤–១ ក្នុងផ្ទះ ៕
ដោយ៖ ភារៈ(រូបភាព ៖ Reuters/CNA)
