បុរសម្នាក់បានស្លាប់បន្ទាប់ពីមានជម្លោះរវាងអ្នកគាំទ្របាល់ទាត់នៅខាងក្រៅហាងស្រាមួយកន្លែង។
ក្លិប Blackpool FC បានប្រកាសថា ពួកគេតក់ស្លុត និងសោកស្ដាយជាខ្លាំងនៅពេលដែលដឹងថា អ្នកគាំទ្រឈ្មោះ Tony Johnson បានបាត់បង់ជីវិតយ៉ាងសោកសៅ។
ប៉ូលិស Lancashire បាននិយាយថា បុរសអាយុ៥៥ឆ្នាំរូបនេះត្រូវបានគេរកឃើញថា មានរបួសក្បាលធ្ងន់ធ្ងរក្នុងទីក្រុង Blackpool នៅវេលារសៀលកាលពីថ្ងៃសៅរ៍។ អ្នកគាំទ្របានប៉ះទង្គិចគ្នាបន្ទាប់ពីការប្រកួត Blackpool នឹងក្រុម Burnley ។ មន្រ្តីប៉ូលិសបានប្រើប្រាស់ឧបករណ៍ជំនួយដង្ហើម CPR មុនពេលលោក Johnson ត្រូវបានបញ្ជូនទៅមន្ទីរពេទ្យ។
ក្លិបបានបន្ថែមថា “គួរឲ្យសោកស្ដាយ លោក Johnson បានស្លាប់នៅក្នុងមន្ទីរពេទ្យមួយយប់ ហើយគ្រួសាររបស់គាត់មានការសោកសៅ។យើងកំពុងជួយពួកគេក្នុងពេលដ៏លំបាកនេះ ហើយប្តេជ្ញាថានឹងទទួលបានចម្លើយពីពួកគេអំពីអ្វីដែលបានកើតឡើង”។
គ្រួសារសពបានអំពាវនាវឱ្យមានការបង្ហាញទូរស័ព្ទដៃ ទូរទស្សន៍ CCTV និងកាមេរ៉ាថតវីដេអូ ហើយបានសុំអ្នកណាដែលមានវីដេអូកុំបង្ហោះតាមអុីនធើណេត ព្រោះថា «ក្នុងចិត្តនៃគ្រួសារដ៏សោកសៅនេះមានទុក្ខយ៉ាងខ្លាំងចំពោះរឿងដែលបានកើតឡើង»។
កម្លាំងសមត្ថកិច្ចបាននិយាយថា ខ្លួនកំពុងធ្វើការជាមួយក្លិបបាល់ទាត់ Blackpool និង Burnley ដើម្បីបង្កើតអ្វីដែលបានកើតឡើង។ ក្លិប Blackpool បានអះអាងថា នឹងសម្តែងការរំលែកទុក្ខពីម៉ោង៤រសៀលនៅក្នុង Moretti Lounge ដោយផ្តល់ឱ្យអ្នកគាំទ្រនូវឱកាសដើម្បីគោរពពួកគេ។
អ្នកគាំទ្រក៏ត្រូវបានអញ្ជើញឱ្យដាក់ផ្កានៅរូបសំណាក Stan Mortensen នៅខាងក្រោយកន្លែងឈរនៅខាងជើងរបស់ Bloomfield Road រួមជាមួយបុគ្គលិក និងកីឡាករ។ អ្នករាល់គ្នាដែលជាប់ពាក់ព័ន្ធនឹងក្លិបនឹងទទួលបានឱកាសមកជួបជុំគ្នា ហើយចងចាំលោក Johnson ដែលជា Seasider ពេញមួយជីវិត។
ក្លិប Armfield ដែលជាក្លិបអ្នកគាំទ្រក្រុម Blackpool បានសរសេរនៅលើ Twitter ថា “មានការសោកស្ដាយជាខ្លាំងដែលមិត្តល្អរបស់យើងបានទទួលមរណភាព ដោយបន្ថែមថាគាត់គឺជា Blackpool ដែលគាំទ្រអស់ពីចិត្ត”។
ជាមួយគ្នានេះក្លិប Burnley បានប្រកាសថា ពួកគេតក់ស្លុត និងសោកសៅចំពោះការស្លាប់របស់លោក Johnson ដោយចែករំលែកការគិត និងរំលែកទុក្ខជាមួយក្រុមគ្រួសារ មិត្តភក្តិ និងអ្នកទាំងអស់គ្នានៅក្លិបបាល់ទាត់ Blackpool។
ភ្លាមៗបុរសអាយុ៣៣ឆ្នាំម្នាក់ដែលត្រូវបានចាប់ខ្លួនកាលពីថ្ងៃសៅរ៍ដោយសង្ស័យថា មានរបួសត្រូវបាននៅក្រៅឃុំរង់ចាំការសាកសួរបន្ថែម។ការប្រកួតរវាង Blackpool ជាមួយ Burnley ទទួលបានលទ្ធផលស្មើគ្នា ០ទល់០ ក្នុងការប្រកួត Championship នៅកីឡដ្ឋាន Bloomfield Road ៕
ដោយ៖ ភារៈ(រូបភាព ៖ BBC Sport)