ករណីបាត់អត្តសញ្ញាណប័ណ្ណសញ្ជាតិខ្មែរ និងដំណោះស្រាយ

ភ្នំពេញ ៖ លោកឧត្តមសេនីយ៍ឯកសាយ ម៉េងឈាង អគ្គនាយកដ្ឋានអត្តសញ្ញាណកម្ម បានបញ្ជាក់ឱ្យដឹងថា,ករណីបាត់អត្តសញ្ញាណប័ណ្ណសញ្ជាតិខ្មែរ និងដំណោះស្រាយ តាមរយៈការផ្តល់ជាព័ត៌មានដូចខាងក្រោម : 

១.សាមីខ្លួនត្រូវដាក់ពាក្យបណ្តឹងបាត់និង ពាក្យស្នើសុំទុតិយតា (ស្នើសុំបោះពុម្ពថ្មី) នៅប៉ុស្តិ៍នគរបាលរដ្ឋបាលទីលំនៅអចិន្ត្រៃយ៍  ដោយភ្ជាប់ជាមួយអត្តសញ្ញាណប័ណ្ណសញ្ចាតិខ្មែរ ថតចម្លង (បើមាន)

 ២. ទីតាំងដែលត្រូវយកពាក្យ​បណ្តឹងបាត់ និងពាក្យស្នើសុំទុតិយតា មកដាក់ស្នេីសុំបោះពុម្ពអត្តសញ្ញាណប័ណ្ណ​ម្តងទៀតបាន មានដូចជា​ :

-ប៉ុស្តិននគរបាលរដ្ឋបាលឃុំ/សង្កាត់នៃទីលំនៅអចិន្ត្រៃយ៍

-អធិការដ្ឋាននគរបាលក្រុង​ ស្រុក​ ខណ្ឌនៃ ទីលំនៅអចិន្ត្រៃយ៍

-ស្នងការដ្ឋាននគរបាលរាជធានី​ ខេត្តនៃទីលំនៅអចិន្ត្រៃយ៍

-សាខាអត្តសញ្ញាណប័ណ្ណផ្សារអុីអន២សែនសុខ

-នាយកដ្ឋានអត្តសញ្ញាណប័ណ្ណសញ្ជាតិខ្មែរ​ ដែលមានទីតាំងនៅ​ ភូមិតាង៉ូវក្រោម​ សង្កាត់និរោធ​ ខណ្ឌច្បារអំពៅ។

៣.រយ:ពេលទទួលបានគឺ ៣០ថ្ងៃនៃថ្ងៃការងារ

សម្រាប់ព័ត៌មានបន្ថែម សូមលោកអ្នក Download កម្មវិធី GDI eServices ដើម្បីមើល ឬសាកសួរព័ត៌មាន ឬទំនាក់ទំនងលេខ ១២៧១ / ០១៧ ៨៩៨ ៩១៥ រៀងរាល់ថ្ងៃច័ន្ទដល់សុក្រ ក្នុងម៉ោងធ្វើការ។ មន្ត្រីជំនាញរង់ចាំទទួល ផ្តល់ព័ត៌មាន និងដោះស្រាយជូន។ សូមអរគុណ ៕

ដោយ ៖ សហការី