🔥ផ្ទុះកំប៉ុងហ្គាសឆេះផ្ទះអស់៥ខ្នងទាំងព្រឹកនៅខណ្ឌចំការមន

ចែករំលែក៖

ភ្នំពេញ ៖ គ្រោះអគ្គិភ័យបានលេបត្របាក់ផ្ទះប្រជាពលរដ្ឋអស់ចំនួន០៥ខ្នងទាំងស្រុង ដោយបង្កការភ្ញាក់ផ្អេីលដល់អាជ្ញាធរមូលដ្ឋានចុះអន្តរាគមន៍នាវេលាម៉ោង០៧ នឹង៤៥នាទីថ្ងៃព្រឹក ថ្ងៃចន្ទ១៤រោច ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២០ ខែមីនា ឆ្នាំ២០២៣ នៅចំណុចសំណង់មិនរៀបរយ ភូមិ៤ ផ្លូវ១០៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

សមត្ថកិច្ចបានឱ្យដឹងថា ម្ចាស់ផ្ទះឈ្មោះ សុក វណ្ណកាយ ភេទប្រុស អាយុ ៤៤ឆាំ្ន សញ្ជាតិខ្មែ ។ មុខរបរ: ប្រជាការពារសង្កាត់ ។ ដោយប្រភេទសំណង់: ផ្ទះឈើប្រកសង្ក័សី ទំហំ ០៤ម៉ែត្រ គុណ ៣ម៉ែត្រ ។

ចំពោះការខូចខាតសម្ភារៈ ៖ ឆេះផ្ទះអស់៥ខ្នងទាំងស្រុង ដោយមូលហេតុ ផ្ទុះកំប៉ុងហ្គាស ។ ប៉ុន្តែក្នុងករណីអគ្គិភ័យនេះមិនបណ្ដាលឱ្យមនុស្សរងរបួស ឬស្លាប់នោះទេ ។

បន្ទាប់ពីទទួលបានដំណឹង នៃការឆាបឆេះផ្ទះប្រជាពលរដ្ឋភ្លាម អាជ្ញាធរមូលដ្ឋាន និងសមត្ថកិច្ចជំនាញបង្ការ និងសង្គ្រោះ បានចេញរថយន្តពន្លត់អគ្គិភ័យចំនួន ៨ គ្រឿងរួមមាន ៖

-រថយន្តក្រសួងមហាផ្ទៃ: ចំនួន ២ គ្រឿង ,រថយន្តអូឡាំព្យា: ចំនួន ២ គ្រឿង ,រថយន្តស្រាបៀរកម្ពុជា: ចំនួន ១ គ្រឿង,រថយន្តកោះនរា: ចំនួន ១ គ្រឿង ដោយប្រេីប្រាស់ទឹកអស់ចំនួន ១៤ឡាន ស្មើនឹង ១២១ ម៉ែត្រគូប ទេីបបាញ់រលត់ទៅវិញជាស្ថាពរនៅវេលាម៉ោង ៩៖១៥ នាទីព្រឹកថ្ងៃដដែល ៕

IMG_8602