ព័ត៌មានទាន់ហេតុការណ៍៖

Mbappe រកបាន២គ្រាប់ជួយបារាំងឈ្នះហុល្លង់ក្នុងវគ្គជម្រុះ Euro 2024

ចែករំលែក៖

ខ្សែប្រយុទ្ធ Kylian Mbappe បានស៊ុតបញ្ចូលទីគ្រាប់ដំបូងរបស់គាត់ក្នុងនាមជាប្រធានក្រុមជម្រើសជាតិបារាំងក្រោយការប្រកួតវគ្គផ្តាច់ព្រ័ត្រ World Cup ដោយចាប់ផ្តើមយុទ្ធនាការជម្រុះ Euro 2024 របស់ពួកគេជាមួយនឹងជ័យជម្នះយ៉ាងស្រួលលើក្រុមភ្ញៀវហូឡង់ក្នុងលទ្ធផល៤ទល់០ កាលពីរំលងអធ្រាត្រឈានចូលថ្ងៃទី២៥ មីនា។

ក្រុមម្ចាស់ផ្ទះនាំមុខមុនត្រឹមតែ២នាទី នៅពេលដែល Antoine Griezmann ស៊ុតបាល់បបញ្ចូលទីពីការបញ្ជូនរបស់ Mbappe។ខ្សែការពារ Dayot Upamecano រកបានគ្រាប់បាល់ទី២នៅ៦នាទីក្រោយមក ខណៈដែលរូបគេបានស៊ុតបញ្ចូលទីយ៉ាងល្អ។ បន្ទាប់មក Mbappe ទទួលបានគ្រាប់ទី៣នៅនាទីទី២១ និង១គ្រាប់ទៀតនៅនាទីទី៨៨នៅចុងម៉ោងជិតបញ្ចប់ការប្រកួត។

ខ្សែប្រយុទ្ធ Griezmann ត្រូវ​បាន​គេ​រាយការណ៍​ថា​ មិន​សប្បាយ​ចិត្ត​ដែល​ត្រូវ​បាន​គេ​មើល​រំលង​សម្រាប់​តួនាទី​ជា​ប្រធាន​ក្រុម​ដែល​បាន​ផ្តល់​ឱ្យ Mbappe ប៉ុន្តែ​មិន​មាន​សញ្ញា​នៃ​ការ​ប៉ះ​ទង្គិច​គ្នានោះ​ទេ ខណៈ​ដែល​ពួក​គេ​បាន​អបអរ​ការ​ស៊ុត​បាល់​បញ្ចូល​ទី​ដំបូង​របស់ Mbappe នៅ​នាទី​ទី២១។

គ្រាប់បាល់ទី២របស់ខ្សែប្រយុទ្ធ Paris St-Germain គឺជាការប្រឹងប្រែងទោលដ៏គួរឱ្យភ្ញាក់ផ្អើល ខណៈដែលគាត់បានធ្វើឱ្យកីឡាករហូឡង់ដួលក្នុងការប៉ុនប៉ងរារាំងការស៊ុតរបស់គាត់ មុនពេលស៊ុតបាល់បញ្ចូលទីគ្រាប់ទី២។

ខ្សែប្រយុទ្ធហុហ្លង់ Memphis Depay មាន​ឱកាស​ស៊ុតបាល់ចំគោលដៅប៉ុន្តែ​ត្រូវ​បាន​សង្គ្រោះដោយអ្នកចាំទី។

នោះបានបិទបញ្ចប់ការប្រកួតដំបូងដ៏ខកចិត្តមួយសម្រាប់លោក Ronald Koeman ក្នុងការប្រកួតលើកទី២របស់គាត់ក្នុងនាមជាគ្រូបង្វឹកហូឡង់ ទោះបីជាមូលហេតុរបស់គាត់មិនត្រូវបានជួយដោយមេរោគផ្តាសាយដែលនាំឱ្យកីឡាករ៥នាក់ត្រូវបានបញ្ជូនទៅផ្ទះនៅមុនការប្រកួតក៏ដោយ។ខ្សែការពារ Matthijs de Ligt និង Sven Botman ខ្សែប្រយុទ្ធ Cody Gakpo ខ្សែបម្រើ Joey Veerman និងអ្នកចាំទី Bart Verbruggen សុទ្ធតែមិនមានវត្តមានក្នុងការប្រកួតដោយសាររបួស។

ទោះបីជាយ៉ាងណាក៏ដោយ បារាំងត្រូវបានរក្សាក្នុងកំពូលតារាងក្នុងពូល B ដោយត្រូវប៉ះក្រុមម្ចាស់ផ្ទះសាធារណរដ្ឋអៀរឡង់នៅថ្ងៃ២៨ ខែមីនា ខណៈដែលហុហ្លង់ក្រោយបរាជ័យនេះត្រូវប៉ះក្រុមភ្ញៀវ Gibraltar នៅថ្ងៃទី២៨មីនាដូចគ្នា ៕

ដោយ៖ ភារៈ(រូបភាព ៖ BBC Sport)


ចែករំលែក៖