សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តមែរសឺដេសបានបេីកបុកជាមួយរថយន្តសាំយ៉ុងត្រង់ផ្លូវបំបែកជាបួនបណ្តាលឱ្យរងការខូចខាតទាំងសងខាង តែមិនមានមនុស្សរងរបួសនោះទេ។
ហេតុការណ៍នេះបានកេីតឡេីងកាលពីវេលាម៉ោង១០យប់ថ្ងៃទី១១ ខែមេសា ឆ្នាំ២០២៣ នៅចំណុចផ្លូវលេខ៩៩កែងផ្លូវលេខ៤៦៦ ស្ថិតក្នុងសង្កាត់បឹងត្របែក ខណ្ឌចំការមន។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកសាំយ៉ុងពណ៌ស ពាក់ស្លាកលេខភ្នំពេញ2O-9105 ធ្វេីដំណេីរតាមបណ្តោយផ្លូវលេខ៩៩ក្នុងទិសដៅពីត្បូងទៅជេីង ខណៈមកដល់ផ្លូវបំបែកជាបួនស្រាប់តែមានរថយន្តមែរសឺដេស ពណ៌ខ្មៅ ពាក់ស្លាកលេខភ្នំពេញ2BT- 1888 បេីកបរដោយជនជាតិចិនតាមបណ្តោយផ្លូវលេខ៤៦៦ក្នុងទិសដៅពីលិចទៅកេីតក៏ជ្រុលទៅបុកគ្នាពេញទំហឹងបណ្តាលឱ្យរងការខូចខាតទាំងសងខាងតែសំណាងដែរដែលមិនមានមនុស្សរងរបួស។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុធ្វេីការសម្របសម្រួលដោយភាគីទាំងសងខាងព្រមយករថយន្តរបស់ខ្លួនទៅជួសជុលរៀងៗខ្លួន៕
ដោយ៖សុខាសែនជ័យ
