សារព័ត៌មាន នគរវត្ត តែងតែនាំមុខគេជានិច្ច
ក្រុមតោខៀវ Chelsea ត្រូវធ្វើឲ្យបានល្អគ្រប់យ៉ាងប្រសិនបើពួកគេត្រូវឡើងទៅវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League បន្ទាប់ពីចាញ់ក្រុមម្ចាស់ផ្ទះម្ចាស់ជើងឯក Real Madrid នៅ Bernabeuក្នុងលទ្ធផល២ទល់នឹង០ ក្នុងជើងទី១កាលពីរំលងអធ្រាត្រឈានចូលថ្ងៃទី១៣ មេសានេះ។
ការស៊ុតបញ្ចូលទីរបស់ Karim Benzema ដែលជាគ្រាប់បាល់ទី៩០របស់គាត់នៅក្នុងការប្រកួតនេះ បានផ្តល់ឱ្យគ្រូបង្វឹក Real លោក Carlo Ancelotti នូវការចាប់ផ្តើមដ៏ល្អឥតខ្ចោះយកឈ្នះអតីតក្លិបរបស់គាត់។
Real Madrid បានព្យាយាមបន្ថែមការនាំមុខរបស់ពួកគេ មុនពេល Ben Chilwell ត្រូវបានពិន័យកាតក្រហមត្រង់នៅនាទីទី៥៩ សម្រាប់ការបង្កកំហុសលើ Rodrygo ខណៈដែលខ្សែប្រយុទ្ធប្រេស៊ីលបានគំរាមរកគ្រាប់បាល់បញ្ចូលទី។ Real Madrid បានស៊ុតបញ្ចូលទីគ្រាប់ទី២យ៉ាងល្អ នៅពេលដែលកីឡាករបម្រុង Marco Asensio បានបញ្ចប់គ្រាប់ទី២ក្រោយពីលេងក្នុងតង់ទី២។
Chelsea បានរងការគម្រាមកំហែងកាន់តែខ្លាំង ក្រោមការដឹកនាំរបស់គ្រូបង្វឹកបណ្តោះអាសន្នលោក Frank Lampard ក្នុងនាមជាអ្នកចាត់ការបណ្តោះអាសន្ន ដែលក្រុមនេះមានឱកាសនៅពេលដែលខ្សែប្រយុទ្ធ Joao Felix ព្យាយាមស៊ុត ប៉ុន្តែអ្នកចាំទី Thibaut Courtois សង្គ្រោះបានល្អ និងការព្យាយាមរបស់ Raheem Sterling ផងដែរ។
Chelsea ត្រូវតែស៊ុតបញ្ចូលទីយ៉ាងហោចណាស់២គ្រាប់ក្នុងការប្រកួតជើងទី២ នៅថ្ងៃអង្គារសប្តាហ៍ក្រោយនៅកីឡដ្ឋាន Stamford Bridge ប៉ុន្តែឥឡូវនេះពួកគេគ្មានគ្រាប់បាល់ក្នុងការប្រកួត៤លើកចុងក្រោយនោះទេ។ ក្រុមតោខៀវបានព្យាយាមស្វែងរកគ្រាប់បាល់ចុង ម៉ោង នៅពេលដែលអតីតខ្សែការពារក្រុមនេះលោតដើម្បីតែតបញ្ចូលទី ហើយចុងក្រោយគឺនៅតែមិនមានគ្រាប់បាល់សម្រាប់ Chelsea នៅជើងទី១នេះ។
Champions League គឺជាក្តីសង្ឃឹមចុងក្រោយរបស់ក្រុម Chelsea ក្នុងការឈ្នះពានរង្វាន់នៅក្នុងរដូវកាលដ៏ច្របូកច្របល់បំផុតនេះ ខណៈដែលគ្រូបង្វឹក២រូបត្រូវបានបញ្ចប់តំណែង។ បរាជ័យនេះគឺបន្ទាប់ពីការប្រកួតទី៥ដោយគ្មានជ័យជម្នះ ហើយក្រុមនេះបានរសាត់ទៅពាក់កណ្តាលខាងក្រោមនៃតារាង Premier League ហើយនេះគឺជាការប្រកួត Champions League លើកទី៩របស់ Chelsea ប្រចាំរដូវកាល ជាមួយនឹងអ្នកចាត់ការផ្សេងគ្នាទី៣របស់ពួកគេ។
ចាប់តាំងពីលោក Ancelotti ត្រូវបានបណ្តេញចេញដោយក្រុមតោខៀវក្នុងខែឧសភា ឆ្នាំ២០១១ បន្ទាប់ពីបានបញ្ចប់ក្នុងចំណាត់ថ្នាក់លេខ២ ក្នុងតារាង Chelsea បានឆ្លងកាត់អ្នកគ្រប់គ្រងអចិន្ត្រៃយ៍ចំនួន១០រូប ដោយបណ្តេញចេញចំនួន៧នាក់រួមទាំងលោក Lampard ក្នុងខែមករាឆ្នាំ២០២១ផងដែរ។
លោក Lampard ត្រូវបានគេគ្រោងនឹងធ្វើការនៅក្នុងការប្រកួតនេះក្នុងនាមជាគ្រូបង្វឹករហូតដល់គាត់បានឆ្លើយតបនឹងការហៅរបស់ Chelsea ដើម្បីមកទទួលបន្ទុករហូតដល់ចប់រដូវកាល។ ទោះជាយ៉ាងណាក៏ដោយវីរបុរសក្លិបរូបនេះបានរងបរាជ័យ១៣លើកក្នុងការប្រកួត ១៦លើកចុងក្រោយរបស់គាត់នៅក្នុងការប្រកួតទាំងអស់នៅជាមួយ Everton និង Chelsea នៅរដូវកាលនេះ។
ជ័យជម្នះនេះគឺជាក្តីសង្ឃឹមរបស់ Real Madrid ក្នុងការកក់កៅអីទៅកាន់វគ្គពាក់កណ្តាលផ្តាច់ព្រ័ត្រ ដោយនៅជើងទី២ទឹកដី Chelsea ដែលសម្លឹងរកការឈ្នះជើងឯកជាលើកទី១៥ ៕
ដោយ៖ ភារៈ(រូបភាព ៖ BBC Sport)
