អាមេរិកដឹកនាំប្រទេសចំនួន៥០ ដែលភាគច្រើនជាសម្ព័ន្ធមិត្តជួបគ្នានៅអាល្លឺម៉ង់ដើម្បីពិភាក្សាអំពីការបង្កើនការគាំទ្រសម្រាប់អ៊ុយក្រែន

សហរដ្ឋអាមេរិកនិងសម្ព័ន្ធមិត្តរបស់អង្គការណាតូបានសន្យាគាំទ្រដោយឥតងាករេរបស់ពួកគេចំពោះអ៊ុយក្រែន និងបង្ហាញទំនុកចិត្តថាទីក្រុងគៀវអាច “រំដោះទឹកដីកាន់តែច្រើនឡើង” ពីប្រទេសរុស្ស៊ី។
ក្នុងអំឡុងពេលកិច្ចប្រជុំដ៏សំខាន់មួយនៅមូលដ្ឋានទ័ពអាកាសអាមេរិកនៅទីក្រុង Ramstein (អាល្លឺម៉ង់) នៅថ្ងៃទី 21 ខែមេសា សហរដ្ឋអាមេរិកនិងសមាជិកដទៃទៀតនៃអង្គការសន្ធិសញ្ញាអាត្លង់ទិកខាងជើង (NATO) បានសម្តែងការជឿជាក់លើលទ្ធភាពដែលអ៊ុយក្រែនអាចដណ្តើមយកមកវិញនូវទឹកដីពីរុស្ស៊ីជាងការវាយលុកនាពេលខាងមុខ។
យោងតាមទីភ្នាក់ងារសារព័ត៌មាន AFP បានឱ្យដឹងថា នៅក្នុងកិច្ចប្រជុំនោះ សហរដ្ឋអាមេរិកនិងសម្ព័ន្ធមិត្តណាតូ ក៏បានប្តេជ្ញាបន្តគាំទ្រយ៉ាងមុតមាំចំពោះទីក្រុងគៀវ ក្នុងសង្រ្គាមជាមួយទីក្រុងមូស្គូ។
រដ្ឋមន្ត្រីការពារជាតិអាមេរិក លោក Lloyd Austin បានវាយតម្លៃថា កិច្ចខិតខំប្រឹងប្រែងរបស់សម្ព័ន្ធមិត្តក្នុងការគាំទ្រទីក្រុងគៀវ “នឹងជួយអ៊ុយក្រែនបន្តទទួលបានអត្ថប្រយោជន៍នៅលើសមរភូមិ” ខណៈដែលអគ្គលេខាធិការអង្គការណាតូ លោក Jens Stoltenberg បាននិយាយថា ប្រទេសនានាបានពិចារណាអ្វីគ្រប់យ៉ាងដែលអ៊ុយក្រែនត្រូវការ។ លោកបានថ្លែងថា៖ «ខ្ញុំជឿថាឥឡូវនេះពួកគេនឹងអាចរំដោះដីបានកាន់តែច្រើន។
ប្រធានាធិបតីអ៊ុយក្រែន លោក Volodymyr Zelensky បានអំពាវនាវម្តងហើយម្តងទៀតដល់សម្ព័ន្ធមិត្តលោកខាងលិចឱ្យបញ្ជូនយន្តហោះចម្បាំង និងកាំជ្រួចរយៈចម្ងាយឆ្ងាយបន្ថែមទៀត ដើម្បីវាយកម្ចាត់ទាហានរុស្ស៊ី៕

រូប​ថត​ ៖ Reuters

ដោយ៖ ធីរីណា(រូប​ថត​ ៖ PLO.VN)