សារព័ត៌មាន នគរវត្ត តែងតែនាំមុខគេជានិច្ច
ក្រុមកំពូលតារាង Napoli នឹងត្រូវរង់ចាំលើកពាន Serie A ជាលើកដំបូងក្នុងរយៈពេល៣៣ឆ្នាំបន្ទាប់ពីត្រូវបានក្រុមភ្ញៀវ Salernitana តាមស្មើនៅកីឡដ្ឋាន Stadio Diego Armando Maradona កាលពីរាត្រីថ្ងៃទី៣០ មេសា។
Napoli បានឈ្នះពានលីកចុងក្រោយក្នុងឆ្នាំ១៩៩០ ជាមួយនឹងក្រុមដែលដឹកនាំដោយលោក Diego Maradona បន្ថែមលើពានរង្វាន់ដំបូងរបស់ក្រុមនេះ។ ក្រុមរបស់លោក Luciano Spalletti បាននាំមុខក្រុមភ្ញៀវដើម្បីមានក្តីសង្ឃឹមទទួលបានជ័យជម្នះនៅពេលដែលកីឡាករ Mathias Olivera បានតែតបាល់បញ្ចូលទីនាំមុខក្រុម Salernitana នៅនាទីទី៦២ ប៉ុន្តែកីឡាករ Boulaye Dia បានតាមស្មើវិញនៅនាទីទី៨៤ជិតនឹងចប់ការប្រកួតទៅហើយ។
ការប្រកួតនោះមានហ្វូងមនុស្សជាច្រើនមកអបអរសាទរទាំងក្នុង និងក្រៅទីលានដែលរំពឹងទុកពីការឈ្នះពាន១០០ភាគរយ ប្រសិនបើ Napoli ឈ្នះនិងមានការបញ្ចេញផ្សែងខៀវទាំងក្នុង និងក្រៅកីឡដ្ឋាន ដែលមានអ្នកគាំទ្ររាប់ពាន់នាក់តម្រង់ជួរតាមដងផ្លូវ។
លោក Spalletti បាននិយាយថា “កីឡាករពិតជាមានការខកចិត្តដែលមិនបានធ្វើឱ្យអ្នកគាំទ្រដ៏អស្ចារ្យរបស់យើងសប្បាយចិត្តនៅយប់នេះប៉ុន្តែអ្នកបានឃើញមួយរយៈហើយថាចំណុចទាំងនេះគឺជាចំណុចពិបាកបំផុតក្នុងការទទួលបាន។ យើងតំណាងឱ្យសុបិនរបស់ពួកគេ ហើយនោះមានន័យថា វាត្រឹមត្រូវហើយដែលសុបិនរបស់ពួកគេត្រូវបានសម្រេចដោយពួកយើង”។
ទោះបីជា Napoli មានការខកចិត្តស្ទើរតែប្រាកដក្នុងចិត្តក្នុងការឈ្នះពានក៏ដោយ ដោយគ្រាន់តែត្រូវការ២ពិន្ទុប៉ុណ្ណោះពីការប្រកួតចំនួន៦ចុងក្រោយរបស់ពួកគេដើម្បីលើកពាន Serie A ជាលើកទី៣ និងជាលើកទី១ដោយគ្មានអតីតកីឡាករ Maradona ។
ឱកាសបន្ទាប់របស់ Napoli ក្នុងការដណ្ដើមពាននឹងមកដល់នៅពេលដែលពួកគេធ្វើដំណើរទៅជួបក្រុម Udinese នៅថ្ងៃព្រហស្បតិ៍ ប៉ុន្តែក្រុមក៏អាចឈ្នះពានមុនពេលជំនួបនោះ ប្រសិនបើលទ្ធផលរបស់ក្រុមលេខ២មិនធ្វើបានល្អ។ ក្រុមចំណាត់ថ្នាក់លេខ២ Lazio ដែលមាន១៨ពិន្ទុតាមពីក្រោយ ត្រូវតែយកឈ្នះ Sassuolo នៅថ្ងៃអង្គារនេះ ខណៈដែល Juventus ដែលមាន២០ពិន្ទុត្រឡប់មកលេខ៣ជាមួយនឹងការប្រកួតក្នុងដៃ ត្រូវតែឈ្នះគូប្រកួតនៅថ្ងៃអង្គារដែរ ៕
ដោយ៖ ភារៈ(រូបភាព ៖ BBC Sport)
