គិតត្រឹមម៉ោង៦៖១០នាទីល្ងាចថ្ងៃនេះ កម្ពុជាបន្ដឈរលេខរៀងទី១ ទទួលមេដាយច្រើនជាងគេ ៧២គ្រឿង ក្នុងនោះមាសចំនួន២៨, ប្រាក់ចំនួន២១ និងសំរិទ្ធចំនួ​ន២៣

ភ្នំពេញ ៖ យោងតាមលទ្ធផលផ្លូវការរបស់ SeaGames 2023 បង្ហាញឲ្យដឹងថា គិតត្រឹមម៉ោង៦៖១០នាទីល្ងាចថ្ងៃទី៧ ខែឧសភា ឆ្នាំ២០២៣នេះ កម្ពុជាបន្ដឈរលើកំពូលតារាង មានមេដាយច្រើនជាងគេចំនួន ៧២គ្រឿង ក្នុងនោះមេដាយមាស ២៨គ្រឿង, មេដាយប្រាក់ចំនួន ២១គ្រឿង និងមេដាយសំរិទ្ធចំនួន ២៣គ្រឿង។

សូមទស្សនាតារាងមេដាយផ្លូវការ នៃការប្រកួត SEA Games 2023 ។

 កម្ពុជា ធ្វើបានជោគជ័យបំផុត ក្នុងនាមម្ចាស់ផ្ទះ ព្រឹត្តិការណ៍ស៊ីហ្គេម 2023 ក្រោយ ៦៤ឆ្នាំមក ដែលកម្ពុជា ធ្លាប់ធ្វើជាម្ចាស់ផ្ទះ នៅឆ្នាំ ១៩៥៩ ។ សម័យតេជោសែន កីឡារស់ក្នុងសន្តិភាព , អរគុណ សន្តិភាព ។

 នៅរាត្រីនេះផងដែរ កម្ពុជា បានប្រកួតបាល់ទាត់ ជាមួយ U22 មីយ៉ាន់ម៉ា ដែលមានអ្នកគាំទ្រ រាប់មុឺននាក់ ពេញពហុកីឡាដ្ឋានអូឡាំពិក និងតាមសួន សាធារណៈ ចំនួន៧ នៅរាជធានីភ្នំពេញ ហើយតាមបណ្តាខេត្ត មានទាំងការដាក់ស្លាយនោះ ៕

ដោយ ៖ សិលា