🔴ខ្លាំងមែន.! ហ្គេមបាញ់ត្រីយីហោ​(ម៉ៃ​ហៃហុី)ក្នុងអគារព្រីន​ផ្លាហ្សា និងនៅផ្សារចិន​ ក្បែរThe PEAK1 កំពុងបើកដំណើរយ៉ាងរលូន ផ្គេីននិងអាជ្ញាធរមូលដ្ឋានខណ្ឌចំការមន​

​     ភ្នំពេញ៖ សំបុកល្បែងហ្គេមបាញ់ត្រីខុសច្បាប់​យីហោ​ (ម៉ៃហៃហុី)​ ស្ថិតនៅក្នុងអគារព្រីនផ្លាហ្សា​ ជាប់ផ្លូវព្រះនរោត្ដម​ ក្នុងសង្កាត់ទន្លេបាសាក់​ និងនៅផ្សារចិន​ ទល់មុខអាគារ​ The PEAK1 ខណ្ឌចំការមន​ រាជធានីភ្នំពេញ​ កំពុងលួចបើកដំណើរការលេងយ៉ាងរលូន​ ផ្គេីននិងអាជ្ញាធរមូលដ្ឋានជាខ្លាំង​ ។ នេះបើតាមប្រភពព័ត៌មានច្បាស់ការណ៍ដែលក្រុមការងារសារព័ត៌មាន​ កាសែតនគរវត្ត​ បានឱ្យដឹងនៅរសៀលថ្ងៃទី០៦​ ខែកក្កដា​ ឆ្នាំ​២០២៣​ ។

​    តាមការបញ្ចាក់របស់លោក​ កៀង ល័ក្ស អភិបាល​ នៃគណៈអភិបាលខណ្ឌចំការមន មកកាន់ក្រុមការងារសារព័ត៌មាន​ នៃកាសែតនគរវត្ត​ ថា​ (អរគុណបានរំលឹកបន្ថែម ចាំឲ្យអភិបាលរងទទួលបន្ទុក ឆែកបន្ថែមនូវគោលដៅទាំងពីរខាងលើទៀត)។ 

​    ពាក់ព័ន្ធទីតាំងល្បែងហ្គេមបាញ់ត្រីខាងលើ ពលរដ្ឋសំណូមពរដល់អាជ្ញាធរមូលដ្ឋាន​ មេត្តាដឹកនាំកម្លាំងចុះពិនិត្យនិងបង្ក្រាបផង ព្រោះទីតាំងខាងលើនេះកំពុងតែផ្គេីននិងបទបញ្ជាសម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងគោលនយោបាយភូមិឃុំមានសុវត្ថិភាពហើយ។

​    មហាជនរង់ចាំមេីល​ និងសង្ឃឹមលើចំណាត់ការរបស់លោកអភិបាល និង អធិការខណ្ឌចំការមន នឹងចុះពិនិត្យឈានដល់ការបង្ក្រាបល្បែងខុសច្បាប់ខាងលើនេះ​ ៕​

ដោយ​ ៖​ ជីម​ ភារ៉ា