សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ ក្រុមជនសង្ស័យចំនួនពីរនាក់ត្រូវបានកម្លាំងនគរបាល ស្រុកសំរោងទងធ្វើការបង្ក្រាបបានរួមជាមួយម៉ាទឹកកកចំនួន១០កញ្ចប់ ខណៈដែលមុខសញ្ញាកំពុងចរាចរណ៍គ្រឿងញៀន ហើយកម្លាំងល្បាតប្រទះ ឃើញ។
ការបង្ក្រាបក្រុមជនសង្ស័យបានកាលពីវេលាម៉ោង១២ និង០៥នាទីយប់រំលងអធ្រាត្រឈានចូលថ្ងៃទី២០ ខែកក្កដា ឆ្នាំ២០២៣ នៅក្នុងភូមិក្រាំងធំ ឃុំរលាំងចក ស្រុកសំរោងទង ខេត្តកំពង់ស្ពឺ។
នគរបាលស្រុកសំរោងទងនិយាយឱ្យដឹងថានៅមុនពេលឃាត់ខ្លួនក្រុមជនសង្ស័យបានគឺកំលាំងផ្នែកប្រឆាំងបទ ល្មើសគ្រឿងញៀនស្រុកសំរោងទងសហការជាមួយកំលាំងផ្នែកព្រហ្មទណ្ឌស្រុកបានធ្វើការល្បាតតាមមូលដ្ឋានស្មុគស្មាញ ។ លុះទៅដល់ចំណុចខាងត្បូងភូមិក្រាំងធំ ឃុំ រលាំងចក ស្រុកសំរោងទង ខេត្តកំពង់ស្ពឺ ប្រទះ ឃើញជនសង្ស័យពីរនាក់ ដែលជាមុខសញ្ញារក្សាទុកដោយខុសច្បាប់នូវសារធាតុញៀនក៏ឃាត់សួរនាំ។
នគរបាលស្រុកសំរោងទងបានបញ្ជាក់ថា មុខសញ្ញាសង្ស័យដែលឃាត់ទី០១.ឈ្មោះ ស៊ុំ ផានិត ភេទប្រុស អាយុ២៦ឆ្នាំមុខរបរមិនពិតប្រាកដ រស់នៅភូមិស្រែកក់ ឃុំរលាំងចក ស្រុក សំរោងទង ខេត្តកំពង់ស្ពឺនិងទី២ .ឈ្មោះ វ៉ាង ម៉ន ភេទប្រុស អាយុ៣៨ឆ្នាំមុខរបរមិនពិតប្រាកដ រស់នៅភូមិស្រែចែង ឃុំ រលាំងចក ស្រុកសំរោងទង ខេត្តកំពង់ស្ពឺ។
ក្រោយឃាត់ខ្លួនក្រុមជនសង្ស័យដកហូតវត្ថុតាងរួមមាន: ១.ម៉្សៅក្រាមសថ្លាសង្ស័យជាគ្រឿងញៀនចំនួន១០កញ្ចប់(តូច)និង២. ទូរស័ព្ទ០១គ្រឿង។
ចំពោះករណីឃាត់ខ្លួនក្រុមជនសង្ស័យរួមជាមួយវត្ថុតាងខាងលើនេះដែរ ជំនាញកំពុងធ្វើការសាកសួរនិងកសាងសំណុំរឿងចាត់ការបន្តតាមផ្លូវច្បាប់៕
ដោយ៖ សូរិយា
