សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីម្នាក់ជាជនជាតិបរទេស បានបេីករថយន្តស៊េរីទំនេីបមួយគ្រឿងម៉ាក Jeep ក្នុងល្បឿនយ៉ាងលឿនបានរេចង្កូតទៅបុកបង្គោលថ្មលេីខឿនផ្លូវ បណ្ដាលឱ្យបាក់អស់៧កង់ រួចក៏បន្តទៅបុករបាំងថ្មពុះចែកទ្រូងផ្លូវបាក់អស់២កង់ និងបង្គោលភ្លេីងបំភ្លឺផ្លូវ១ដេីមទៀត រងការខូចខាតរថយន្តនិងសម្បត្តិរដ្ឋយ៉ាងដំណំ ។
ហេតុការណ៍នេះបានកេីតឡេីងនៅវេលាម៉ោង ១០និង៣០នាទីយប់ ថ្ងៃទី ២៣ ខែ កក្ដដា ឆ្នាំ២០២៣ នៅតាមបណ្ដោយផ្លូវលេខ២៧១ ត្រង់ចំណុចមុខ វិទ្យាល័យ ជាសុីម សាមគ្គី ស្ថិតក្នុង សង្កាត់បឹងសាឡាង ខណ្ឌទួលគោក រាជធានីភ្នំពេញ ។
តាមប្រភពព័ត៌មានបានឱ្យដឹងថា នៅមុនពេលកេីតហេតុ គេបានឃេីញនារីម្នាក់ជាជនជាតិបរទេសបេីករថយន្តស៊េរីទំនេីបមួយគ្រឿងម៉ាក Jeep ពណ៌ខ្មៅ ពាក់ស្លាកលេខ ភ្នំពេញ 2AX-1488 បោះពួយក្នុងល្បឿនយ៉ាងលឿនក្នុងទិសដៅពីកេីតទៅលិច ខណៈបើកមកដល់ចំណុចកេីតហេតុខាងលេីក៏ស្រាប់តែរេចង្កូតទៅបុកបង្គោលថ្មលេីខឿនផ្លូវបណ្ដាលឱ្យបាក់អស់៧កង់ រួចក៏បន្តរេចង្កូតទៅបុករបាំងថ្មពុះចែកទ្រូងផ្លូវបាក់អស់២កង់និងបង្គោលភ្លេីងបំភ្លឺផ្លូវ១ដេីមទៀត ទេីបរថយន្តទៅមុខលែងរួច។ ចំណែកឯរថយន្តរងការខូចខាតផ្នែកខាងមុខយ៉ាងដំណំ ហើយអ្នកបេីកបរគ្រាន់តែរងរបួសស្រាលប៉ុណ្ណោះ។
ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់ ក៏បានទាក់ទងទៅខាងជំនាញឱ្យចុះមកវាស់វែង និងស្ទូចយករថយន្តបង្កទៅរក្សាទុកនៅការិយាល័យចរាចរណ៍រាជធានីភ្នំពេញ រង់ចាំដោះស្រាលគ្នាតាមនីតិវិធីច្បាប់ ៕
ដោយ ៖ ភារ៉ា ដង្កោ
