សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី ៖ រថយន្តសាំយ៉ុងបុកម៉ូតូចំពេញទំហឹង ក្នុងទិសដៅបញ្ច្រាសទិសគ្នាបណ្តាលឲ្យយុវជន២នាក់ស្លាប់ភ្លាមនៅនឹងកន្លែងកើតហេតុៗយ៉ាងអាណោចអាធ័មបំផុត។
ហេតុការណ៍នេះបានកើតឡើងនៅព្រឹកថ្ងៃទី១២ ខែសីហា ឆ្នាំ២០២៣ លើផ្លូវជាតិលេខ ៧៨A ស្ថិតនៅភូមិប៉ាណល ឃុំទីងចាក់ ស្រុកបរកែវ ខេត្តរតនគិរី។
ប្រភពព័ត៌មានបានឱ្យដឹងថា គ្រោះថ្នាក់ចរាចរណ៍នេះកើតឡើងដោយសាររថយន្តម៉ាកសាំយ៉ុង ពណ៌ស ពាក់ស្លាកលេខ ភ្នំពេញ 1J-5466 ទិសដៅពីលិចទៅកើតហើយក្រោយកើតហេតុអ្នកបើកបររថយន្ដបានចុះរត់គេចខ្លួនបាត់ភ្លាមៗដោយបន្សល់ទុករថយន្ដនៅនឹងកន្លែងកើតហេតុ។
រីឯម៉ូតូរងគ្រោះម៉ាកអុិចសុិនធឺ អត់មានស្លាកលេខបើកបរដោយឈ្មោះ ម៉ាម គីន ភេទប្រុស អាយុ១៩ឆ្នាំ ជនជាតិទំពួន រស់នៅភូមិលុងឃុង ឃុំលុងឃុង ស្រុបរកែវ ខេត្តរតនគិរី ស្លាប់នៅនឹងកន្លែងកើតហេតុនិងអ្នករួមដំណើរម្នាក់ទៀតឈ្មោះ ភូន ផ្សាំ ភេទប្រុស អាយុ១៩ឆ្នាំរស់នៅភូមិលុងឃុង ឃុំលុងឃុង ស្រុកបរកែវ ខេត្តរតនគិរី (ស្លាប់)។
បច្ចុប្បន្ន វត្ថុតាងម៉ូតូនិងរថយន្ត ត្រូវបានរក្សាទុកនៅប៉ុស្តិ៍នគរបាលស្រុកបរកែវ ៕
ដោយ ៖ ជីវ័ន្ត
