សារព័ត៌មាន នគរវត្ត តែងតែនាំមុខគេជានិច្ច
ទីក្រុងប៉េកាំង ៖ លោក ស៊ី ជីនពីង ប្រធានាធិបតីចិន បានបង្ហាញក្តីនឹករលឹកដល់សម្តេចតេជោ ហ៊ុន សែន ដែលជាដៃគូបានកសាងនូវកិច្ចសហប្រតិបត្តិការជាច្រើនរវាងកម្ពុជា និងចិន។ លោកប្រធានាធិបតីចិន បានផ្តាំផ្ញើឱ្យសម្តេចតេជោ ហ៊ុន សែន ទៅលេងប្រទេសចិនឱ្យបានញឹកញាប់។
ខាងក្រោមនេះជាអត្ថបទរបស់កាសែតចិន ដកស្រង់ប្រសាសន៍ លោក ស៊ី ជីនពីង ប្រធានាធិបតីចិន ដែលមានចំណងជើង 《លោក ស៊ី ជីនពីងជួបលោក ហ៊ុន ម៉ាណែត៖ ស្វាគមន៍សម្តេចហ៊ុន សែន លោកឪពុករបស់លោកមកលេងប្រទេសចិនអោយបានញឹកញាប់》
លោក ស៊ី ជីនពីង ប្រធានាធិបតីចិន ថ្លែងថា : ខ្ញុំមានសេចក្តីសោមនស្សរីករាយណាស់ដែលបានជួបលោកនាយករដ្ឋមន្ត្រី ហ៊ុន ម៉ាណែត។
សម្តេច ហ៊ុន សែន ដែលជាលោកឪពុករបស់លោក បានរួមចំណែកជាប្រវត្តិសាស្ត្រក្នុងបុព្វហេតុមិត្តភាពចិន-កម្ពុជា។
លោក ស៊ី ជីនពីង ប្រធានាធិបតីចិន បន្តថា, ខ្ញុំសូមផ្តាំផ្ងើសួរសុខទុកដោយស្មោះត្រង់ជូនចំពោះគាត់នឹងស្វាគមន៍គាត់មកលេងប្រទេសចិនអោយញឹកញាប់។
និទាឃរដូវនាឆ្នាំនេះ លោកនិងឪពុករបស់លោកបានទៅទស្សកិច្ចនៅប្រទេសចិន។
លោកថា , សម្តេច ហ៊ុន សែន និងខ្ញុំបានបើកសករាជថ្មីនៃការកសាងសហគមន៍វាសនារួមកម្ពុជា-ចិនក្នុងយុគសម័យថ្មី ដែលប្រកបដោយគុណភាពខ្ពស់ កម្រិតខ្ពស់និងស្តង់ដារខ្ពស់។
រដូវស្លឹកឈើជ្រុះនាខែកញ្ញាឆ្នាំ លោកបានមកទស្សកិច្ចនៅប្រទេសចិន ខ្ញុំជឿថាលោកគឺជាអ្នកប្រមូលផល លោកនឹងជួយជំរុញការកសាងសហគមន៍វាសនារួមកម្ពុជា-ចិន ឱ្យកាន់តែស៊ីជម្រៅ ៕
ដោយ ៖ សុខ ខេមរា
