សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ការទន្ទឹងរងចាំបានមកដល់ហើយ នៅសល់តែប៉ុន្មានម៉ោងប៉ុណ្ណោះ គឺច្បាស់ជាកក្រើកខ្លាំង ! ជាលើកទីមួយហើយដែលវត្តមានស្តេចប្រដាល់មីយាន់ម៉ា ដាវ លីឌុច ចូលមកប្រកួតនៅលើសង្វៀន ៨ ទិស ដែលចាប់ផ្ដើមពីម៉ោង៧ព្រលប់នេះតទៅ។
សូមជម្រាបថា : «WURKZ សេនាគុនខ្មែរពិភពលោក» ធ្វើឡើងក្នុងគោលបំណងចូលរួមចំណែកលើកតម្កើងវិស័យគុនខ្មែរឱ្យកាន់តែរីកចម្រើន ។
សូមបញ្ជាក់ថា : តាមរយៈក្នុងសន្និសីទសារព័ត៌មានកាលពីថ្ងៃទី ៤ ខែវិច្ឆិកា មកនេះកីឡាករ ព្រំ សំណាង បានថ្លែងអំណរគុណដល់ពុកម៉ែបងប្អូនដែលតែងតែគាំទ្រលោកកន្លងមក ។ ដោយឡែក កីឡាករ ដាវ លីឌុច បាននិយាយថា ខ្ញុំមិននឹកស្មានថា ប្រជាជនកម្ពុជាមានចិត្តល្អ និងគាំទ្រ ខ្ញុំរំភើប និងសប្បាយចិត្តខ្លាំងណាស់ ហើយការប្រកួតនេះ គឺដើម្បីពង្រឹងមិត្តភាពរវាងប្រទេសទាំងពីរ ។
លោក Tommy Kim តំណាងស្ថាប័ន IPCC ពិភពលោកប្រចាំប្រទេសកម្ពុជា និងជាទីប្រឹក្សាក្រុមហ៊ុន ថោន គ្រុប ក៏បានឱ្យដឹងដែរថា : ព្រឹត្តិការណ៍នេះមិនមែនត្រឹមតែប្រជាជនកម្ពុជាទេដែលរង់ចាំទស្សនា សូម្បីតែប្រជាជនមីយាន់ម៉ា ៥៦ លាននាក់ ក៏រង់ចាំទស្សនាផងដែរ និងនៅក្រៅប្រទេសជាច្រើនទៀត ។
សម្រាប់ប្រជាពលរដ្ឋខ្មែរ តែងគិតថា, សូមកុំយកការឈ្នះចាញ់ជាសត្រូវនឹងគ្នា សូមចាត់ទុកជាមិត្តភាពរវាងគ្នានឹងគ្នា កីឡាករនាំមកនូវមិត្តភាព ដោយក្ដីគោរពក្នុងនាមជាបេះដូងកម្ពុជា សូមឲ្យកម្ពុជារីកចំរើនជាអមតះ សូមកុំយកនរណាម្នាក់ជាសត្រូវ ត្រូវចាត់ទុកយើងជាខ្មែរដូចគ្នា (បើជាអ្នកមាន សូមកុំស្អប់អ្នកក្រអី)បំណងល្អពីកូនខ្មែរយើង។ ដូច្នេះ នៅសល់តែប៉ុន្មានម៉ោងប៉ុណ្ណោះ គឺច្បាស់ជាកក្រើកខ្លាំង ! ជាលើកទីមួយហើយដែលវត្តមានស្តេចប្រដាល់មីយាន់ម៉ា ដាវ លីឌុច ចូលមកប្រកួតនៅលើសង្វៀន ៨ ទិស ជាមួយ ព្រំ សំណាង ! ៕
ដោយ : សហការី
