សារព័ត៌មាន នគរវត្ត តែងតែនាំមុខគេជានិច្ច
សហព័ន្ធបាល់ទាត់ទ្វីបអឺរ៉ុប UEFA បានប្រកាសកាលពីថ្ងៃព្រហស្បតិ៍ ទី១៦ខែវិច្ឆិកាថា ក្លិបមកពីលីកកំពូលប្រទេសអ៊ីស្រាអែល Maccabi Haifa និងក្រុម Maccabi Tel Aviv នឹងលេងការប្រកួតក្នុងទឹកដីកណ្តាលនៃប្រទេសនៅអឺរ៉ុបបន្ទាប់របស់ពួកគេនៅក្នុងប្រទេសស៊ែប៊ីដោយគ្មានអ្នកគាំទ្រ។
ក្រុម Haifa នឹងត្រូវប៉ះ Rennes នៅកីឡដ្ឋាន Stadion Rajko Mitic របស់ Belgrade ក្នុងវគ្គជម្រុះ Europa League ពូល F នៅថ្ងៃទី៣០ ខែវិច្ឆិកា ខណៈការប្រកួតក្នុងក្រុម Conference League ពូល B របស់ក្រុម Tel Aviv ប៉ះ Zorya Luhansk និង Gent នៅថ្ងៃទី២៥ ខែវិច្ឆិកា និងថ្ងៃទី១៤ ខែធ្នូ នឹងធ្វើឡើងនៅ TSC Arena ក្នុង Backa Topola។
ក្លិបអ៊ីស្រាអែលទាំង២បានបន្តយុទ្ធនាការរបស់ពួកគេកាលពីថ្ងៃព្រហស្បតិ៍សប្តាហ៍មុនបន្ទាប់ពីការផ្អាកមួយខែដោយសារជម្លោះអ៊ីស្រាអែល-ហ្គាហ្សា ដោយក្រុម Haifa ធ្វើជាម្ចាស់ផ្ទះ Villarreal ក្នុងប្រទេស Cyprus ខណៈដែលក្រុម Tel Aviv ទៅលេងក្រុមអ៊ុយក្រែន Luhansk ក្នុងប្រទេសប៉ូឡូញ។
បច្ចុប្បន្នក្រុម Tel Aviv ស្ថិតនៅលេខរៀងទី២ក្នុងពូលរបស់ពួកគេដោយមាន៦ពិន្ទុពីការប្រកួតចំនួន៣ ខណៈ Haifa ស្ថិតនៅបាតតារាងដោយមាន១ពិន្ទុប៉ុណ្ណោះបន្ទាប់ពី៣ប្រកួត ៕
ដោយ៖ ភារៈ(រូបភាព ៖ Reuters/CNA)
