សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ ជនសង្ស័យម្នាក់ជិះម៉ូតូធ្វើសកម្មភាពឆក់កាបូបជនជាតិឥណ្ឌូនេស៊ីជិះម៉ូតូគេចទៅបុកដួលត្រូវអ្នកស្រុកចាប់បានស្វាគមន៍ម្នាក់មួយដៃមួយជើងទ្រមខ្លួននៅយប់រំលងអធ្រាត្រឈានចូលថ្ងៃទី០៧ ខែធ្នូ ឆ្នាំ២០២៣នៅចំណុចផ្សារអគ្គរថ្មីស្ថិតភូមិប៉ាលិលេយ្យ១ សង្កាត់.ក្រុងប៉ោយប៉ែត ។
ប្រជាពលរដ្ឋបានប្រាប់ថា មានជនសង្ស័យម្នាក់ពាក់អាវសដៃខ្លីបានជិះម៉ូតូ១គ្រឿងធ្វើសកម្មភាពឆក់កាបូបជនជាតិឥណ្ឌូនេស៊ី បានសំរេច តែជិះម៉ូតូគេចទៅបុកនិងម៉ូតូអ្នកដំណើរបណ្តាលឱ្យដួលរងរបួសហើយប្រជាពលរដ្ឋនាំគ្នាស្ទាក់ចាប់បានស្វាគមន៍ម្នាក់មួយដៃមួយជើងទ្រមខ្លួនទើបសមត្ថកិច្ចមកដល់ប្រគល់ជូនទាំងម៉ូតូនិងជនសង្ស័យ។
មន្ត្រីនគរបាលបានប្រាប់ថា ជនសង្ស័យដែលធ្វើសកម្មភាពឆក់កាបូបជនជាតិឥណ្ឌូនេស៊ីបានប៉ុន្តែបើកម៉ូតូគេចទៅបុកម៉ូតូអ្នកដំណើរដួលត្រូវពលរដ្ឋចាប់បាននិងយកកាបូបមកវិញរួចប្រគល់ជូនកម្លាំងជំនាញដើម្បីឲ្យម្ចាស់ដើមវិញ ជនសង្ស័យត្រូវបាននាំយកទៅប៉ុស្តិ៍រដ្ឋបាលប៉ោយប៉ែត។
មន្ត្រីនគរបាលបានបញ្ជាក់ថា ក្រោយនាំយកទៅសាកសួរជនសង្ស័យដែលធ្វើសកម្មភាពឆក់កាបូបជនជាតិឥណ្ឌូនេស៊ី រូបនោះនិងត្រូវបញ្ជូនទៅអធិការដ្ឋានក្រុងប៉ោយប៉ែតដើម្បីសាកសួរនិងចាត់ការតាមនីតិវិធីច្បាប់។
ជារឿយៗសកម្មភាពក្រុមចោរតែងតែធ្វើសកម្មភាពឆក់កាបូបរបស់ពលរដ្ឋឬក៏ជិះម៉ូតូធ្វើសកម្មភាពឆក់ទៅលើអ្នកចេញពីធ្វើការកាស៊ីណូនៅពេលយប់ចាប់ពីម៉ោង១១រហូតម៉ោង៣ទាបភ្លីទោះយ៉ាងណាកម្លាំងសមត្ថកិច្ចក៏តែងតែចាប់ឃាត់ខ្លួនបានផងដែរ ៕
ដោយ ៖ វណ្ណា
