សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងសមត្ថកិច្ចល្បាតក្នុងមូលដ្ឋានប្រទះឃេីញជនសង្ស័យ២នាក់គួរឱ្យសង្ស័យឃាត់សួរនាំនិងឆែកឆេររកឃេីញកាំបិតប៉័ងតោមួយដេីមនិងដាវកែច្នៃមួយដេីមទេីបឃាត់ខ្លួនកាលពីវេលាម៉ោង៨យប់ ថ្ងៃទី១៣ ខែមករា ឆ្នាំ២០២៤ នៅចំណុចផ្លូវជាតិលេខ៤ ភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យទី១ឈ្មោះ លាង ណៃ ភេទប្រុសអាយុ១៩ឆ្នាំ មុខរបរកម្មកររោងចក្រ ស្នាក់នៅភូមិត្រពាំងពោធិ៍សង្កាត់ចោមចៅទី៣ ខណ្ឌពោធិ៍សែនជ័យ។
ទី២ឈ្មោះ សៀង សីហា ភេទប្រុសអាយុ១៧ឆ្នាំ មុខរបរកម្មកររោងចក្រ ស្នាក់ខណ្ឌមានជ័យ។
តាមប្រភពព័ត៌មានបានឱ្យដឹងថា មុនពេលឈានទៅដល់ការឃាត់ខ្លួនជនសង្ស័យខាងលេី កម្លាំងសមត្ថកិច្ចនគរបាលប៉ុស្តិ៍ចោមចៅទី៣ ល្បាតក្នុងមូលដ្ឋានតំបន់ស្មុកស្មាញងាយរងគ្រោះ ខណៈមកដល់ចំណុចកេីតហេតុក៏ប្រទះឃេីញជនសង្ស័យ២នាក់ជិះម៉ូតូម៉ាកហុងដាឌ្រីម ពណ៌ក្រហមពាក់ស្លាកលេខព្រៃវែង1B 3301 ដោយមានការសង្ស័យក៏ហៅឈប់ឆែកឆេររកឃេីញកាំបិតប៉័ងតោមួយដេីមនិងដាវកែច្នៃមួយដើមទៀតនៅជាប់ខ្លួនទេីបឃាត់ខ្លួនតែម្តង។
នៅចំពោះមុខសមត្ថកិច្ចជនសង្ស័យបានសារភាពថា កាំបិតនិងដាវពួកគេដាក់តាមខ្លួនទុកយកទៅកាប់គ្នានៅផ្សារខេមម៉ល ផ្លូវចោមចៅ សង្កាត់ចោមចៅទី១។
បច្ចុប្បន្នជនសង្ស័យកំពុងសួរនាំនៅអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមនីតិវិធី៕
ដោយ៖ សុខាសែនជ័យ
