សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជាជាងផ្សារដែកម្នាក់ខណៈឡេីងលេីដំបូលដេីម្បីសាងសង់រោងបានលេីកដែកទីបប៉ះខ្សែកាបឆ្លងឆក់ធ្លាក់ចុះមកដីរងរបួសធ្ងន់ ត្រូវបានរថយន្តសង្គ្រោះរបស់អង្គភាព711 កងពលតូចលេខ70 ដឹកបញ្ជូនទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង៥និង៣៨នាទីល្ងាចថ្ងៃទី១៦ ខែមករា ឆ្នាំ២០២៤ តាមផ្លូវ៣០ម៉ែត្រ ភូមិរកាកុះ សង្កាត់ព្រៃស ខណ្ឌដង្កោ រាជធានីភ្នំពេញ។
ជនរងគ្រោះ ឈ្មោះ សុន វណ្ណឌី ភេទប្រុស អាយុ២៥ឆ្នាំ មុខរបរជាជាងផ្សារដែក។
តាមប្រភពព័ត៌មានបានឱ្យដឹងថា មុនពេលកេីតហេតុជនរងគ្រោះនិងក្រុមការងារបានយកដែកសាងសង់រោងមួយកន្លែង ខណៈកំពុងសាងសង់ដោយឡេីងផ្សារធ្នឹមខាងលេីលេីកដែកទីបដេីម្បីផ្សារស្រាប់តែលេីកទៅប៉ះខ្សែកាបឆ្លងភ្លេីងឆក់បណ្តាលឱ្យធ្លាក់ចុះមកក្រោមរងរបួសធ្ងន់។
ក្រោយកេីតហេតុជនរងគ្រោះត្រូវបានរថយន្តសង្គ្រោះរបស់អង្គភាព711 កងពលតូចលេខ70 ដឹកបញ្ជូនទៅមន្ទីរពេទ្យព្រះកុសុមៈ តាមការស្នើសុំពីក្រុមគ្រួសារ ៕
ដោយ៖សុខាសែនជ័យ
