សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង ៖ តាមរយៈបណ្ដាញទំនាក់ទំនងសង្គមហ្វេសប៊ុក គណនីមួយមានឈ្មោះថា៖ (Reth Mony) បានបង្ហោះថា៖ ចោរឆក់កាបូប ហើយបច្ចុប្បន្នជា មន្ត្រីនគរបាលវរសេនាតូចការពារព្រំដែនគោក៧០១ ខណៈឪពុកជាស្នងការរង ទទួលបន្ទុកកិច្ចការនេះ នោះជារឿងមិនប្រក្រតីហើយ !
ទោះបីជាមិនទាន់ទទួលការបកស្រាយណាមួយពីប្រធានអង្គភាពក៏ដោយ ចំពោះករណីនេះ លោកបណ្ឌិត ទូច សុឃ: អ្នកនាំពាក្យរង ក្រសួងមហាផ្ទៃ នៅរសៀលថ្ងៃទី១៤ ខែកុម្ភៈ ឆ្នាំ២០២៤ បានប្រាប់អង្គភាព មជ្ឈមណ្ឌលព័ត៌មាន«នគរវត្ត»ថា ៖ «ចាំខ្ញុំទម្លាក់ករណីនេះឱ្យទៅអង្គភាពដើមរបស់គេពិនិត្យមើល និងសូមអរគុណច្រើន»។
សូមបញ្ជាក់ថា ៖ ក គណនី Facebook មួយមានឈ្មោះថា៖ (Reth Mony) បានបង្ហោះដោយសរសេរថា ៖ ចោរកូនស្នងការរងម្នាក់បានឪធ្វើជាខ្នងក្រាស់ ពេលនេះក្លាយជាប៉ូលិស…
បន្តទៀតថា៖ សូមបញ្ជាក់ថា កាលកំឡុងឆ្នាំ២០១៣ បុគ្គលម្នាក់ត្រូវបានចាប់ខ្លួនដែលជននេះជាមេខ្លោងចាត់តាំងមុនពេលចេញធ្វើសកម្មភាព តែក៏ត្រូវបានកម្លាំងនគរបាលព្រហ្មទណ្ឌកម្រិតស្រាលចុះបង្ក្រាបបាន ក្នុងអំពើឆក់-ប្លន់បានលាន់កក្រើកខ្លាំង ។
គណនីដដែល បានលើកឡើងថា ៖ តាមការរំលឹកពីសមត្ថកិច្ចក្នុងលក្ខខណ្ឌសុំមិនបញ្ចេញឈ្មោះថា បុគ្គលឈ្មោះ ចាន់ សុភ័ក្ត្រ បច្ចុប្បន្នជាមន្ត្រីនគរបាលវរសេនាតូចការពារព្រំដែនគោក៧០១ ។ កាលពីកំឡុងឆ្នាំ២០១៣នោះ ត្រូវបានតុលាការសម្រេចផ្ដន្ទាទោសឱ្យជាប់ពន្ធនាគាររយៈពេលបីឆ្នាំអនុវត្តទោសនៅក្នុងពន្ធនាគារ និងព្យួរឱ្យនៅក្រៅឃុំ ពាក់ព័ន្ធក្នុងករណីឆក់កាបូបមានស្ថានទម្ងន់ទោស (ប្លន់) ។
ប្រភពដដែលបន្តថា បុគ្គលឈ្មោះ ចាន់ សុភ័ក្ត្រ ត្រូវបានចាប់ខ្លួននៅថ្ងៃទី៦ ខែមិថុនា ឆ្នាំ២០១៣ ក្រោយមួយថ្ងៃ បន្ទាប់ពីចេញធ្វើសកម្មភាពឆក់កាបូបអ្នកធ្វើដំណើរបានដោយសុវត្ថិភាព នៅថ្ងៃទី៥ មិថុនា ឆ្នាំ២០១៣ ។
ក្រោយការចាប់ខ្លួន កម្លាំងនគរបាលព្រហ្មទណ្ឌកម្រិតស្រាលបាននាំជនសង្ស័យឈ្មោះ ចាន់ សុភ័ក្ត្រ ទៅបង្ហាញទីតាំងដែលខ្លួនយកវត្ថុតាងឆក់ពីជនរងគ្រោះទៅប្លុងចោល ស្ថិតនៅភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង ។
គណនីនេះបានសរសេរថា ៖ ប្រភពព័ត៌មានមួយទៀតពីមន្ត្រីកងរាជអាវុធហត្ថដោយសុំមិនបញ្ចេញឈ្មោះឱ្យដឹងថា អង្គភាពកងរាជអាវុធហត្ថធ្លាប់បានបដិសេធ បុគ្គលរូបនោះក្នុងការជ្រើសរើសចូលបម្រើការងារក្នុងក្របខណ្ឌយោធិនកងរាជអាវុធហត្ថ ដោយសារស្រាវជ្រាវទៅបុគ្គលនោះមានប្រវត្តិ ត្រូវចាប់ខ្លួនដោយកម្លាំងនគរបាល ពាក់ព័ន្ធនឹងបទល្មើស ។ លុះក្រោយមកក៏ត្រូវបានចូលជាមន្ត្រីនគរបាលស្ងាត់ៗ ដោយពុំដឹងថាចូលប្រឡងតាមក្របខណ្ឌស្របច្បាប់ ឬចូលបានតាមជើងខោអ្នកណាមួយនោះទេ ។
លោក ចាន់ សុភ័ក្ត្រ មានឋានៈអនុសេនីយ៍ត្រីនៃកងកម្លាំងនគរបាលវរសេនាតូចការពារព្រំដែនគោក ៧០១ គឺជាកូនបង្កើតរបស់លោក ចាន់ សុផា ដែលបច្ចុប្បន្នជាស្នងការរងទទួលផែនវរសេនាតូចការពារព្រំដែនគោក៧០១ ។
ករណីនេះបញ្ជាក់ថា ដោយសារឪធ្វើមេប៉ូលិស ទោះបីកូនធ្វើក្រុមចោរក៏នៅតែមានសំណាងធំបានធ្វើប៉ូលិសយ៉ាងរំភើយក្រោមបញ្ជាឪដដែល ។
សូមជម្រាបថា ៖ ករណីនេះរងចាំ លោកបណ្ឌិត ទូច សុឃ: អ្នកនាំពាក្យរង ក្រសួងមហាផ្ទៃ ទទួលការបកស្រាយបែបណាពីសាមីអង្គភាពម្ចាស់គេ ដែលលោកបានដាក់ទៅសួរហើយនោះ៕
ដោយ ៖ សិលា
