សារព័ត៌មាន នគរវត្ត តែងតែនាំមុខគេជានិច្ច
កាលពីថ្ងៃទី 15 ខែកុម្ភៈ អុីស្រាអែលបានស្នើឱ្យតុលាការយុត្តិធម៌អន្តរជាតិ (ICJ) បដិសេធសំណើរបស់អាហ្វ្រិកខាងត្បូងក្នុងការចេញវិធានការសុវត្ថិភាពបន្ថែម ដើម្បីការពារប្រជាជនប៉ាឡេស្ទីននៅតំបន់ Rafah ក្នុងតំបន់ Gaza Strip ក្នុងបរិបទរបស់ប្រទេសនេះកំពុងរៀបចំពង្រីកយុទ្ធនាការវាយប្រហារលើទីតាំងនេះ។
កាលពីថ្ងៃទី 13 ខែកុម្ភៈ អាហ្វ្រិកខាងត្បូងបានស្នើឱ្យតុលាការ ICJ ពិចារណាលើការអនុម័តវិធានការបន្ទាន់បន្ថែមទៀតដើម្បីការពារសិទ្ធិរបស់ប៉ាឡេស្ទីនក្នុងបរិបទដែលរដ្ឋាភិបាលអុីស្រាអែលកំពុងរៀបចំដើម្បីអនុវត្តផែនការពង្រីកការវាយប្រហារលើទីក្រុង Rafah ក្នុងតំបន់ Gaza។
សេចក្តីថ្លែងការណ៍ដែលចេញដោយប្រធានាធិបតីអាហ្រ្វិកខាងត្បូងនៅពេលនោះបាននិយាយថា ប្រទេសនេះមាន “ការព្រួយបារម្ភយ៉ាងខ្លាំងដែលការវាយប្រហារដោយយោធាដែលមិនធ្លាប់មានពីមុនមកលើ Rafah ដូចដែលបានអះអាងដោយអុីស្រាអែលបាន
បណ្តាលឱ្យបាត់បង់ជីវិត គ្រោះថ្នាក់ និងការបំផ្លិចបំផ្លាញទ្រង់ទ្រាយធំ។
ត្រឹមថ្ងៃទី 15 ខែកុម្ភៈ យោងតាមទីភ្នាក់ងារសារព័ត៌មាន Reuters ដោយដកស្រង់ឯកសារដែលចេញផ្សាយដោយ ICJ អុីស្រាអែលបានប្រកែកថា វិធានការគ្រាអាសន្នដែលបានចេញកាលពី 3 សប្តាហ៍មុនគ្របដណ្តប់លើ “ស្ថានភាពសង្រ្គាមជាទូទៅនៅហ្គាហ្សា” ហើយដូច្នេះតុលាការគួរតែបដិសេធសំណើរបស់អាហ្វ្រិកខាងត្បូង។
នៅថ្ងៃទី 26 ខែមករា ICJ បានសម្រេចថា អុីស្រាអែលត្រូវតែធ្វើអស់ពីសមត្ថភាពដើម្បីការពារអំពើប្រល័យពូជសាសន៍ រួមទាំងការជៀសវាងពីការបង្កគ្រោះថ្នាក់ឬសម្លាប់ជនជាតិប៉ាឡេស្ទីន។ ជាមួយគ្នានេះ អង្គការក៏បានសម្រេចថា អុីស្រាអែលត្រូវតែទទួលជំនួយជាមូលដ្ឋានជាបន្ទាន់ដល់តំបន់ហ្គាហ្សា ក៏ដូចជាអនុវត្តទណ្ឌកម្មចំពោះរាល់សកម្មភាពញុះញង់ឱ្យមានការប្រល័យពូជសាសន៍។
ប្រធាន ICJ លោក Joan E. Donoghue បាននិយាយថា “តុលាការដឹងយ៉ាងច្បាស់អំពីទំហំនៃសោកនាដកម្មរបស់មនុស្សដែលបានកើតឡើងនៅក្នុងតំបន់ ហើយមានការព្រួយបារម្ភយ៉ាងខ្លាំងអំពីការបាត់បង់ជីវិតនិងការរងទុក្ខជាបន្តបន្ទាប់របស់មនុស្ស”។ ដីកាសរុបចំនួន ៦ ដែលត្រូវបានអនុម័តដោយចៅក្រមភាគច្រើនត្រូវបានធ្វើឡើង ប៉ុន្តែសេចក្តីសម្រេចកាលពីថ្ងៃទី ២៦ ខែមករា គ្រាន់តែជាការសម្រេចបណ្តោះអាសន្នប៉ុណ្ណោះ៕
ដោយ៖ ធីរីណា(រូបថត៖ Reuters)
