សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មើលទៅមុខមាត់ មិនសមមកប្រព្រឹត្តអំពើល្មើសច្បាប់ លួចសាច់ជ្រូកបែបនេះសោះ ខ្វះអីការងារស្របច្បាប់ ដែលខ្លួនធ្វើបាន តាមរយៈប្រើប្រាស់កម្លាំងពលកម្ម បានប្រាក់យ៉ាងថ្លៃថ្នូរនោះ។
មើលចុះ ! បុរសម្នាក់ លួចសាច់ជ្រូកគេជាង ២០គីឡូក្រាម តែម្ចាស់ឃើញទាន់ ដេញតាមចាប់ឃាត់ខ្លួន ភ្ញាក់ផ្អើលដល់អ្នកដំណើរ ។
សូមបញ្ជាក់ថា ៖ ជនសង្ស័យម្នាក់ បានជិះម៉ូតូកូនទាមួយគ្រឿង ចូលទៅលួចសាច់ជ្រូកគេ ១ថង់ ទម្ងន់ជាង ២០គីឡូក្រាម ពីកន្លែងលក់ បម្រុងរត់គេចខ្លួន តែត្រូវបានម្ចាស់ឃើញទាន់ ដេញតាមឃាត់ខ្លួនបានភ្លាមៗ រួចប្រគល់ជូននគរបាលប៉ុស្តិ៍កន្ទោក ខណ្ឌកំបូល រាជធានីភ្នំពេញ ធ្វើការសាកសួរ។ ករណីនេះបានកើតឡើង នៅព្រឹកថ្ងៃទី២៨ ខែមីនា ឆ្នាំ២០២៤ នៅក្នុងផ្សារពិភពថ្មីកំបូល១ ភូមិត្រពាំងគល់ សង្កាត់កន្ទោក ខណ្ឌកំបូល រាជធានីភ្នំពេញ ។
គ្រាន់តែរឿង សាច់ជ្រូក១ថង់ ទម្ងន់ជាង ២០គីឡូក្រាម ធ្វើឱ្យខូចអនាគត ព្រោះជាប្រព្រឹត្តបទល្មើស ៕
ដោយ ៖ សិលា
