សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មន្រ្តីអធិការដ្ឋាននគរបាលខណ្ឌពោធិ៍សែនជ័យ នៅព្រឹកថ្ងៃទី០២ ខែមិថុនា ឆ្នាំ២០២៤នេះ បានឱ្យដឹងថាមានករណីអគ្គិភ័យមួយកន្លែងកើតឡើងនៅចំណុច ផ្ទះលេខ ៤B ផ្លូវបេតុង ក្រុមទី២ ភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ កាលពីព្រលប់ថ្ងៃទី០១ ខែមិថុនាម្សិលមិញនេះ បណ្ដាលឱ្យផ្ទះប្រជាពលរដ្ឋមួយខ្នងរងការខូចខាត។
ហេតុការណ៍អគ្គិភ័យនេះមិនទាន់ដឹងពីមូលហេតុនៅឡើយទេ សមត្ថកិច្ចជំនាញកំពុងស្រាវជ្រាវ។
អគ្គិភ័យនេះធ្វើឱ្យឆេះបន្ទប់ទំហំ ០៤ម៉ែត្រ គុណនិង០៣ម៉ែត្រ ចំនួន ០១បន្ទប់ រួមទាំងសម្ភារៈមួយចំនួន ហើយពុំបណ្តាលឲ្យឆេះរាលដល់អ្នកក្បែរខាងឡើយ។
គួរបញ្ជាក់ថា ហេតុការណ៍នេះនៅម៉ោង ១៩និង១០នាទីយប់ នាថ្ងៃខែ ឆ្នាំដដែល អគ្គិភ័យនេះត្រូវបានពន្លត់ទាំងស្រុង ដោយប្រើប្រាស់រថយន្តការិយាល័យបង្ការ និងពន្លត់អគ្គិភ័យចំនួន ០៣គ្រឿង ប្រើប្រាស់ទឹកអស់ចំនួន ០៣ឡាន ស្មើនឹង ១២ម៉ែត្រគូប។ រថយន្តអគ្គិភ័យក្រុមហ៊ុនឯកជន ចំនួន ០១គ្រឿង ប្រាស់ទឹកអស់ចំនួន ០១ឡាន ស្មើនឹង ០៦ម៉ែត្រគូប។ រថយន្តអគ្គិភ័យក្រុមហ៊ុនកាណាឌីយ៉ាចំនួន ០១គ្រឿង ប្រាស់ទឹកអស់ចំនួន ០១ឡាន ស្មើនឹង ០៤ម៉ែត្រគូប៕
ដោយ៖ តារា
