សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ អាជ្ញាធរខណ្ឌជ្រោយចង្វាដឹកនាំដោយលោកហ៊ុយ សារុន អភិបាលរងខណ្ឌ បានចុះរុះរើសំណង់៤កន្លែងខុសច្បាប់ ដែលកំពុងបើកជាភោជនីយដ្ឋានតាមមាត់ទឹកទន្លេ កាលពីម៉ោង០៩ព្រឹកថ្ងៃទី១១ សីហា ២០១៦ ស្ថិតនៅក្នុងសង្កាត់ព្រែកលៀប ខណ្ឌជ្រោយចង្វា ដែលពួកគេមិនបានគោរពតាមការសន្យា ជាមួយអាជ្ញាធរនាពេលកន្លងមក ។
ប្រភពឱ្យដឹងថា ទីតាំងទាំង៤កន្លែងមាន ១-ភោជនីយដ្ឋាន «ទន្លេមាស» (ជាទីតាំងអត់ច្បាប់ ហើយផ្គើនជាមួយអាជ្ញាធរទៀត) ២-ម្លប់ស្វាយកំពង់ធំ ៣-ចំការលាភ និងទន្លេលាភ ដែល៤កន្លែងនេះ បានធ្លាប់ធ្វើកិច្ចសន្យាជាមួយអាជ្ញាធរថា សុខចិត្តរុះរើដោយខ្លួនឯង តាំងពីថ្ងៃទី២ មិថុនា មកម្ល៉េះ តែរហូតមកទល់ពេលនេះ ពួកគេមិនបានធ្វើតាមការសន្យានោះទេ ។
ដូច្នេះ អាជ្ញាធរបានប្រើវិធានការក្តៅចុះរុះរើដោយខ្លួនឯងតែម្តង ។
ចំពោះភោជនីយដ្ឋាន ទន្លេមាស ដែលគណះបញ្ជាការខណ្ឌដាក់កំលាំងចុះរុះនេះ គឺដោយសារតែម្ចាស់ទីតាំងនេះសាងសង់មិនមានច្បាប់ទម្លាប់ ដោយបានសាងសង់ខ្ចុសបណ្តែតទឹកនៅលើទន្លេ ហើយជាទីតាំងអត់ច្បាប់ ទម្លាប់ទេ និងផ្គើនជាមួយអាជ្ញាធរទៀតផង។ រីឯភោជនីយដ្ឋានចំការលាភ និងទន្លេលាភគឺម្ចាស់ទីតាំងគាត់សុំរុះរើខ្លួន ចំណែកភោជនីដ្ឋានម្លប់ស្វាយកំពង់ធំ ពេលគណះបញ្ជាការឯកភាពខណ្ឌជ្រោយចង្វាចុះទៅដល់ទីតាំ ម្ចាស់ទីតាំងគាត់សុំទៅលើហ៊ុយ សារុន អភិបាលរងខណ្ឌជ្រោយចង្វា ថាសុំកុំឲ្យកំលាំងរបស់លោកចុះរុះរើសំណង់បណ្តែតទឹករបស់ ដោយសុំឲ្យទុកមួយថ្ងៃដើម្បីឲ្យគាត់រុះរើខ្លួនឯង។
លោកហ៊ុយ សារុន អភិបាលរងខណ្ឌជ្រោយចង្វា បានឲ្យដឹងថា ការចុះអនុវត្តរុះរើសំណង់ខ្ចូសបណ្តែតទឹក នេះគឺដោយសារម្ចាស់ទីតាំងដែលមានខ្ចូសបណ្តែតចំនួន៩ទីតាំង ដែលមាន៤ទីតាំងមិនបានស្តាប់នឹងការណែនាំរបស់សាលាខណ្ឌ ទើបលោកដាក់កំលាំងចុះមករុះរើតែម្តង។ លោក អភិបាលរងខណ បន្តថាចំពោះម្ចាស់ទីតាំងទាំង៤នេះ ប្រឈមនឹងការបិទហាងចោលតែម្តងបើមិនព្រមរុះរើខ្ចូសបណ្តែតទឹកនេះ ៕ ជ្រោយពេជ្រ
